Il-Kura Għall-Għira

“La tħallix qalbek tgħir għall-midinbin, iżda għix kuljum fil-biża’ tal-Mulej. La tgħirx għan-nies ħżiena u lanqas tixtieq toqgħod magħhom, għax qalbhom taħseb fuq il-ħsara, u fuq id-deni jitkellmu xofftejhom. La tisħonx minħabba dawk li jagħmlu d-deni, u la tgħirx għall-ħżiena, għax għall-ħażin m’hemmx futur; il-musbieħ tagħhom jintefa. Il-qilla krudila u l-għadab dulluvju, iżda min jista’ jieqaf quddiem l-għira?” (Proverbji 23:17; 24:1-2,19-20; 27:4).
Meta naraw li kulma jmissu l-ħżiena jsirilhom deheb, ikollna tentazzjoni ngħiru għalihom. Meta nisimgħu l-ħoss vulgari tal-iffestiġġjar tagħhom, filwaqt li l-ispirtu tagħna hu tqil, nibdew naħsbu li huma aħjar minna. Il-ġelożija tinbixna; insibuha diffiċli nirreżistuha. Nibdew nissuspettaw illi tabilħaqq Alla ma jagħtix kas, jew inkella nsiena. Niddubitaw hemmx ġustizzja jew le.
Ħsibijiet bħal dawn huma bluha u ġenn. Kieku lill-ħżiena nafuhom aħjar, u speċjalment meta niftakru fit-tmiem traġiku tagħhom, nitħassruhom.
Il-kura għall-għira tinsab meta wieħed jitgħallem jgħix tant b’sens kontinwu tal-preżenza divina, illi jqimu u jonorah bħala Alla s-Suprem, u jgawdi xirka miegħu matul il-jum. Il-fidi, maħduma fina mill-Ispirtu s-Santu, tgħolli r-ruħ f’reġjun ogħla, fejn niżnu kollox aħjar u naraw iżjed ċar. Ix-xewqat tagħna, bħala riżultat, isiru iżjed elevati. Aktar ma ħajjitna tkun mimlija bil-Ġenna, inqas nitwebblu għall-ħwejjeġ terrestri.
Biss il-biża’ t’Alla jkeċċi l-għira li jista’ jkollna għal ħaddieħor. Il-ġelosija tieħu daqqa ta’ mannara meta nikkonsidraw sewwa l-ġejjieni. Hemm ġudizzju. Ċertament Alla waqqat jum li fih se jagħmel ħaqq rett minn kulħadd. F’dan id-dawl ir-rikkezzi u x-xinxilli tal-ħżiena jsiru esibizzjoni vanituża. Did-dehra pompuża tleħħ għal siegħa waħda, imbagħad tintefa. X’isir minnu l-għani midneb meta jidher biex jagħti rendikont tiegħu nnifsu quddiem l-Imħallef etern?
Talba: “Mulej, int iddikjarajtni ġust bid-demm ta’ Kristu, u issa qed tagħmilni ġust fl-imġiba tiegħi. Grazzi talli twegħidni illi t-tmiem tiegħi se jkun paċi u barka, u kif ħadd ma jista’ jisraqli l-ferħ tiegħi fik. Għinni narmi kull għira sabiex minflok nimtela b’kuntentizza ħelwa, meta naf li rriżervajt għalija wirt smewwieti, bil-merti ta’ Ibnek Ġesù.”

Comments

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis...

Il-Mogħdrija

“Imma issa intom imisskom tneħħu dawn il-ħwejjeġ kollha: ir-rabja, l-għadab, il-malizzja, l-ikkalunnjar u diskors oxxen minn ħalqkom. Tigdbux lil xulxin, ladarba nżajtu l-bniedem il-qadim bil-prattiċi ħżiena tiegħu, u lbistu l-ġdid, li qed jiġġedded fit-tagħrif veru skont l-immaġni ta’ min ħalqu - tiġdid fejn m’hemmx distinzjoni bejn Grieg u Lhudi, ċirkonċiżjoni u inċirkonċiżjoni, barbaru, Skita, ilsir jew liberu, iżda Kristu hu kollox u f’kulħadd. Mela, bħala l-magħżulin t’Alla, qaddisin u maħbubin, ilbsu sentimenti ta’ mogħdrija, benevolenza, umiltà, manswetudini u paċenzja” (Kolossin 3:8-12). Il-beninnità hi l-ispirtu ta’ trattament favorevoli, jew il-prattika kostanti u abitwali ta’ azzjonijiet amikevoli u benevolenti. Hemm żewġ prinċipji ewlenin fil-kostituzzjoni umana, li jwettqu serriegħa bla waqfien għall-predominanza: l-egoiżmu u l-benevolenza, jew il-beninnità. L-egoiżmu jikkonċentra s-sentimenti, ix-xewqat u l-azzjonijiet kollha fuq il-promozzjoni tal-benesseri i...

Diskors Bid-Dehen

“La taħsibx kif tagħmel il-ħsara lil għajrek huwa u qiegħed jgħammar bla biża’ miegħek. La tiġġieled ma’ ħadd għalxejn, jekk ma għamillek l-ebda deni. Ħu offiż hu aktar iebes biex jintrebaħ minn belt qawwija, u l-ġlied bejn l-aħwa qisu staneg ta’ kastell. Aħjar tgħammar f’rokna ta’ setaħ milli ma’ mara ġellieda f’dar kbira.” (Proverbji 3:29-30; 18:19; 25:24). Matul l-Assedju l-Kbir fl-1565, il-qawwiet Ottomani tħabtu u ssieltu biex jirbħu lil pajjiżna taħt idejhom. Għalkemm kienu ferm aktar numerużi minna, it-Torok iġġieldu għalxejn għal erba’ xhur sħaħ. Il-bliet Maltin, fortifikati bis-swar u balwardi godlija, kienu virtwalment inespjunabbli. Hekk ukoll hu diffiċli tirbaħ lura l-ħbiberija ta’ ħu offiż. Anzi, dal-proverbju jwissina li hu aktar diffiċli tirbaħ lura lil ħuk milli tegħleb belt qawwija. Ma naħsibx li dan inkiteb biex naqtgħu qalbna milli nfittxu rikonċiljazzjoni f’waqtha. Jekk wieħed jistaqsi, x’inhi r-rikonċiljazzjoni? Hi t-tieni ħbiberija. Dan jibqa’ dmir...

PAUL MIZZI

Search This Blog