“Malli l-għaxra semgħu dan, bdew isiru indignati għal Ġakbu u Ġwanni. Ġesù sejħilhom lejh u qalilhom, ‘Tafu illi dawk rikonoxxuti bħala ħakkiema fuq il-Ġentili jiddominaw fuqhom, u l-kbarat tagħhom jeżerċitaw awtorità sħiħa fuqhom. Imma mhuwiex hekk fostkom; anzi, kull min irid isir kbir fostkom għandu jkun serv tagħkom, u kull min irid ikun l-ewwel fostkom għandu jkun ilsir ta’ kulħadd. Għax saħansitra Bin il-Bniedem ma ġiex biex ikun servut, iżda biex iservi u biex jagħti ħajtu bħala riskatt għal ħafna’” (Mark 10:41-45).
It-tagħlim l-iżjed radikali ta’ Ġesù kien it-taqliba totali tal-idea kontemporanja dwar min għandu jitqies bħala kbir. It-tmexxija tinstab filli wieħed isir serv ta’ kulħadd. Il-poter hu skopert fis-sottomissjoni. Is-simbolu prominenti ta’ din is-servitudni radikali hu s-salib. Ġesù umilja lilu nnifsu; ma qagħadx ifittex min se jaqdih. Aktarx ħa l-inizjattiva u qeda hu. Sefter kontinwament sal-punt illi sar ubbidjenza sal-mewt, anzi sa mewt fuq l-għuda tas-salib (Filippin 2:8).
Tajjeb ninnotaw: Kristu mhux biss miet il-mewt tas-salib, iżda għex il-ħajja tas-salib. Il-mogħdija tas-salib, it-triq ta’ qaddej isofri kienet essenzjali għall-ministeru tiegħu. Għex il-ħajja tas-salib f’sottomissjoni għall-bnedmin, avolja kien u jibqa’ Sidhom. Sar qaddej ta’ kulħadd.
Irrofta bla riżerva l-assunzjonijiet kulturali rigward pożizzjoni u poter, meta qal, “Intom tkunux imsejħin ‘Rabbi,’ għax wieħed hu l-Għalliem tagħkom, u intom ilkoll aħwa. U ssejħu ’l ħadd missierkom fuq l-art, għax wieħed hu Missierkom, dak smewwieti. Lanqas m’għandkom tkunu msejħin gwidi, għax il-Gwida tagħkom hu wieħed, Kristu. L-ikbar fostkom se jkun serv tagħkom” (Mattew 23:8-11).
Aktar: Ġesù farrak il-konswetudnijiet ta’ żmienu meta għex il-ħajja tas-salib billi ħa n-nisa bis-serjetà u kien lest jilqa’ għandu t-tfal ċkejknin. Għex il-ħajja tas-salib meta qabad xugaman u ħasel riġlejn id-dixxipli. Dan Ġesù, li faċilment seta’ appella għal leġjun ta’ anġli biex jgħinuh, minflok għażel il-mewt tas-salib fuq il-Golgota. Ħajtu kienet il-ħajja tas-salib: sottomissjoni sempliċi u servizz kontinwu. Mewtu kient il-mewt tas-salib: il-konkwista ġabha bis-sofferenza.
Talba: “Mulej Ġesù, int sirt bniedem bħalna għax bħala Alla l-kumpassjonali ma kellekx dahar fuq xiex tissawwat. Ma kellekx laħam biex fuqu tirċievi d-daqqiet, il-bżieq u t-tingiż; stajt tippritkalna l-mogħdrija iżda ma stajtx tesprimiha magħha – ħlief f’ġisem mogħti bħala offerta rigward id-dnub ħalli attwalment tikkundanna d-dnub fil-bniedem midneb. Bħala d-dixxipli tiegħek, agħtina l-kapaċità u r-rieda biex naġixxu bħalek.”
Comments