“Għakan wieġeb lil Ġożwè, u qallu: ‘Tassew, jien dnibt kontra l-Mulej, Alla ta’ Iżrael, u dan hu kollu kulma għamilt. Xħin rajt fost il-ħwejjeġ maqbudin mantar sabiħ ta’ Singħar, u mitejn xekel tal-fidda u virga tad-deheb tiżen ħamsin xekel, jien xtaqthom, u ħadthom; u ara, huma qegħdin moħbijin fl-art, f’nofs it-tinda tiegħi, u l-fidda qiegħda taħthom’” (Ġożwè 7:20-21).
Meta Satana jassalta jipprova jagħmel kwalunkwe ħaġa fil-għajn tidher bħala pjaċir, qliegħ, u sodisfazzjon ħelu għal xewqatna. Hemm ukoll l-għadab, ġudizzju, turment u t-tinġiża fil-kuxjenza li jappartienu mat-tiġriba. Dawn jaħbihom; importanti illi ma narawhomx. Il-ħaxix aħdar iħajjarna nimxu matul il-mogħdija li twassal għall-ispiera. Kieku t-tentazzjoni tidher bħala tentazzjoni, id-dominju tad-dlam ma jkunx daqshekk popolat.
Kieku Għakan seta’ jara minn qabel il-ħaġar garat lejn nagħsu ma kienx imidd idu fuq l-oġġetti misħuta. Kieku David seta’ jduq minn qabel l-għali tal-għadam misħuq tiegħu qabel ma resaq fuq Batseba, dawk l-aspersjonijiet tad-demm u l-konkupixxenza ma kinux jiġrulu. Huwa biss wara li nfattruha illi għajnejna jinfetħu, bħalma nfetħu tal-ewwel ġenituri tagħna meta daqu l-frotta projbita. L-Iskarjota kien għami sakemm tradixxa lill-Imgħallem; kien biss wara illi ra l-orrur veru tal-att viljakk tiegħu.
Tattika oħra tat-tentatur il-kbir tidher ċivili u raġunevoli. Jilgħabha taparsi se jikkuntenta b’nofs qalbna. Frattant nafu d-domanda t’Alla, “Agħtini qalbek.” Mhux nofsha, iżda l-qalb kollha, esklussivament. Alla, li għamilna għalih innifsu, bir-raġun jikklejmja t-totalità tal-fakoltajiet tagħna, l-intier ta’ ruħna u ġisimna. Ma jikkuntentax b’inqas minn hekk, u jekk ma jikkuntentax hu, impossibbli nkunu kuntenti aħna. Imma din hi korsa makakka adottata mill-avversarju tagħna: jaf illi jekk jikseb kwalunkwe parti minn qalbna, Alla ma jkollu xejn, u hekk il-qalb sħiħa taqa’ bħala sehmu.
Talba: “Appena nqisu sewwa, Mulej, nintebħu malajr kemm tabiħaqq qalbna jeħtieġ tkun indiviża lejk. Tina grazzja nafdaw fik kontinwament, o Alla tagħna, Ħallieq u Salvatur tagħna; ħa jkun moħħna u qalbna miftuħin għal kulma wassaltilna permezz tal-profeti tiegħek, u speċjalment b’Ibnek Ġesù.”
Comments