“L-imħabba hi paċenzjuża, l-imħabba beninna. Mhix ġeluża; l-imħabba ma tiftaħarx biha nfisha u mhix kburija. Ma taġixxix indeċentement, ma tfittixx l-interessi tagħha nfisha, mhix irritata faċilment, ma tirrekordjax il-ħażen immirat kontriha. L-imħabba ma tifraħx bl-inġustizzja, imma tifraħ flimkien mal-verità. Iġġerragħ kollox, temmen kollox, tittama kollox, tippersevera f’kollox. L-imħabba qatt ma tispiċċa. Imma sew jekk hemm doni ta’ profeziji, għad ikunu aboliti; jew ilsna, għad jehdew; jew tagħrif, għad jkun abolit” (1 Korintin 13:4-8).
L-imħabba hi l-ispirazzjoni, l-omm, is-sustanza, u l-għerq tal-virtujiet kollha. Kull min jikklejmja li għandu xi relazzjoni vitali mal-Ħallieq tiegħu jħobb ukoll il-ħlejjaq tiegħu, bħalma ma tistax tħobb lil ħabibek mingħajr ma tħobb lil uliedu, avolji jistgħu jkunu mqarbin.
B’daqshekk m’aħniex ngħidu li huwa suffiċjenti tagħti l-farka kultant; insapportabbli naraw il-faqar jiddependi fuq il-karità, u jibqa’ jissussisti minħabba l-karità. Aktarx, meta noħorġu mis-sigurtà tagħna nfusna, insibu kumpensa kurjuża, għax ħadd ma jista’ sinċerament jipprova jgħin lil ħaddieħor mingħajr ma jiskopri li qed jgħin lilu nnifsu.
L-imħabba tagħmlek kwalifikat għal kwalunkwe ħidma denja, u min għandu l-imħabba f’ħobbu għandu l-ixpruni ma’ saqajh. L-imħabba tgħaddi minn sur ta’ ħaġar samm, tiskassa kull kassaforti, qatt ma titlef triqtha.
Tkun maħbub hu l-aqwa bonakkwist; tkun ħabbej hu l-aqwa investiment, u d-dinja aktar tinġibed lejn il-ħabbej.
Talba: “Missierna, int qed tiġbor għalik innifsek bnedmin biex jifformaw familja kbira tiegħek, u tixtieqhom ikunu jixbhuk. Int imħabba, u allura qawwina biex inħobbu bħalma int diġà tajtna prova infallibbli ta’ mħabbtek filli tajtna lil Ibnek għall-maħfra tagħna. Għaldaqstant ħa jogħġbok tirċievi l-foħrija u l-unur u l-barka mingħandna. Ammen.”
Comments