Skip to main content

Dur Mid-Dnub

“Għalhekk kellimhom u għidilhom: ‘Hekk jgħid Sidi l-Mulej: “Kull wieħed minn dar Iżrael, li jżomm l-idoli tiegħu f’qalbu, u jqiegħed it-tiġrif ta’ ħżunitu quddiem wiċċu, u jiġi mbagħad għand il-profeta, jien, il-Mulej, inwieġbu minħabba l-kotra tal-idoli tiegħu, biex naqbad minn qalbhom lil dawk ta’ dar Iżrael, li kollha twarrbu minn miegħi minħabba l-idoli tagħhom.” Għalhekk għid lil dar Iżrael: “Hekk jgħid Sidi l-Mulej: ‘Indmu u erġgħu lura mill-idoli tagħkom u mill-ħwejjeġ mistkerrha kollha tagħhom dawru wiċċkom”’” (Eżekjel 14:4-6).

Alla ma jaħfrilniex għax nindmu, u frattant ma jaħfrilniex mingħajr indiema. Jaħfrilna f’ġieħ Ibnu, bir-riparazzjoni tas-salib tiegħu, li biha qalagħlna d-don tal-indiema. M’hemm ebda fortifikazzjoni kontra l-ġudizzji t’Alla ħlief l-indiema. Il-forzi tiegħu huma inviżibbli u invinċibbli. Ma nistgħux nirripellawhom bix-xabla u t-tarka; il-balwardi godlija ma jżommuhomx bogħod minna. M’hemm xejn fid-dinja li jista’ jxejjen il-ġudizzju t’Alla fuqi ħlief indiema ġenwina. Hu nnifsu joffrielna u jagħtina l-antidotu, għax l-indiema u l-maħfra tad-dnubiet huma mxandra f’isem Kristu Ibnu. 

Bosta nies jidħlu f’qoxrithom waqt xi kriżi, telfa jew marda qalila. L-Emperatur Sigismondu, meta darba nxteħet f’qiegħ ta’ sodda b’marda mtawla, għamel ħafna wegħdi ta’ riforma personali. 

Meta nvistah l-Arċisqof ta’ Cologne staqsieh kif seta’ jkun jaf jekk l-indiema tiegħu hix sinċiera jew le. 

Il-prelat wieġbu, “Jekk meta tikseb saħħtek twettaq bir-reqqa kulma wegħidt fl-għilla tiegħek, tkun tista’ tiġbed din l-inferenza.”

Kif inkun naf indimtx? Ovvjament billi tirrikorri għand Kristu bil-fidi. Tara fih is-soluzzjoni unika. Allura la tmur għand Kristu, it-tabib tar-ruħ, tmur bil-ħsieb biex issegwi l-preskrizzjoni tiegħu, għax l-amenda tal-ħajja fl-oqsma kollha tagħha hi l-aħjar indiema. Fl-oqsma kollha, bla riżerva. Il-konvinzjonijiet tal-ipokriti u r-reprobati huma sikwit konfinati għal xi trasgressjonijiet maġġuri. Sawl, pereżempju, jammetti li ppersegwita lil David, u daqshekk. Ġuda jistqarr li tradixxa demm innoċenti. 

Imma normalment dawk il-konvinzjonijiet li bihom il-Mulej jipprepara triqtu stess għal ġo ruħna, għalkemm jistgħu jibdew b’xi trasgressjoni waħda partikolari, ma jiqfux hemm. Il-bniedem li fih topera l-indiema ġenwina jitwassal biex jara bosta ksur ieħor tal-liġi. Meta ra dnubu stess, David ilmenta illi ħażen innumerabbli dawru dawramejt. 

Talba: “Minħabba n-natura mwaqqa’ tagħna, Mulej, aħna mixħutin lejn l-idolatrija; qalbna tqarraq bina. Kun int is-salvazzjoni tagħna! Illiberana minn kull xkiel, indifferenza jew apatija spiritwali. Qanqalna biex niġru lejk, sogħbiena u niedma. Int tilqa’ lid-dgħajjef. Saħħaħni. Int tirċievi lill-midneb. Qaddisni.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh