L-ewwel u qabelxejn irridu naħsbu korrett: dan hu l-ewwel prinċipju tal-ħajja morali. Il-ħsieb ikun ittemprat, mixħut fid-direzzjoni t-tajba, jekk nagħrfu njassru l-ispekulazzjonijiet li jimmilitaw kontra t-tagħrif t’Alla, u nwaqqgħu l-argumenti karnali u kull kburija li tarroga l-post tal-fidi. Għax ma jista’ jkun hemm ebda moralità aċċettabbli mingħajr fidi fi Kristu, u l-fidi fih hi noneżistenti jekk mhix abbinata ma’ ħajja etika. Mingħajr moralità l-bniedem hu sħaba bla ilma, siġra bla frott. Kristu jgħaqqadna mal-Missier biex nesprimu l-ħajja qaddisa tiegħu.
Tifel ċkejken attenda knisja fejn seta’ jammira ħafna vetrati medjevali sbieħ. Ommu għarrfitu li dawn it-twieqi fl-għoli kellhom rappreżentazzjonijiet artistiċi ta’ qaddisin, fosthom San Pawl, San Pietru, San Mattew, San Mark, San Luqa u San Ġwann.
Xhur wara, fil-klassi l-għalliema staqsiethom, “Tafu x’inhu qaddis?”
It-tifel għolla idu u qal, “Qaddis hu wieħed li jippermettti d-dawl jiddi minnu.”
Talba: “Mulej, ikkonvinċina int illi l-virtù hu saħħet ir-ruħ u l-istabbiltà tal-moħħ. Urina kif il-ġmiel reali huwa l-ġmiel fir-ruħ. Agħtina l-fehma soda illi m’hemm ebda povertà fejn hemm il-virtù, u ebda rikkezzi fejn m’hemmx virtù. U kif naslu fi tmiem il-vjaġġ, agħtina l-grazzja mmutu tajjeb għax inkunu għexna tajjeb, fi Kristu Ibnek. Ammen.”
Comments