Skip to main content

Alla tal-Filosfi?

“Il-predikatur fittex li jsib kliem li jogħġob, u dak li nkiteb inkiteb bir-reqqa u bis-sewwa. Kliem l-għorrief hu bħal niggiżiet, u bħal imsiemer imwaħħlin tajjeb hi l-ġabra ta’ sentenzi mogħtijin minn ragħaj wieħed. Mill-bqija, ibni, iftaħ għajnejk: għall-kitba ta’ ħafna kotba m’hemmx tmiem, u ħafna studju hu taħbit għall-ġisem. Il-konklużjoni, wara li kollox instema’, hi: ibża’ minn Alla u ħares il-kmandamenti tiegħu, għax dan hu d-dmir ta’ kull bniedem. Għax Alla jagħmel ħaqq minn kulma jsir, minn kull ħaġa moħbija, sew tajba u sew ħażina” (Ekkleżjażti 12:10-14). 

Voltaire jgħid illi kieku Alla ma jeżistix ikun neċessarju nivvintawh. Ma nafx f’liema kuntest qalha, imma m’għandix għalfejn nistaqsi għalih. Probabbilment qalha biex iwaqqa’ – mingħalih – ’l Alla li ħalqu għaż-żufjett, avolja meta nqabad f’maltempata twerwer u appella ’l Alla biex jagħtih is-sokkors tiegħu. 

Nies kontradittorji bħalu kienu u jibqgħu jħufu mas-saqajn, skuntenti għax mhumiex Alla, u bl-inkonsistenzi tagħhom aktar niddubita eżistewx huma milli Alla li provaw jitturufnaw mill-kuxjenza tagħhom, xi ħaġa li wieħed diffiċilment jagħmilha, għax il-verità terġa’ titfaċċa – bħal meta tqaċċat siġra, xorta waħda terġa’ tarmi r-refgħan tagħha. 

Is-sitwazzjoni hi kurjuża tabilħaqq. Individwi li b’żelu u impenn ifittxu ’l Alla jagħtu evidenza li hu hemm, imma daqshekk ieħor l-għama ta’ dawk li jwarrbuh ukoll jitkellem volumi sħaħ favur l-eżistenza tal-enti divin, li aħna nafuh bħala Missier Sidna Ġesù, u allura Missierna smewwieti. 

Descartes, daparti tiegħu, jitkellem dwar l-idea neċessarja tagħna dwar Alla. Jgħid li din timplika l-eżistenza tiegħu. Dak li beda biex iddubita kollox jasal għall-konklużjoni ovvja, skont hu, li Alla tabilħaqq jeżisti. Attwalment, m’hemm ebda kreatura, tant ċkejkna u despikabbli, illi ma timmanifestax b’xi mod jew ieħor is-sapjenza u l-bontà divina.

Imma l-istabbiltà tagħna mhix imsejsa fuq l-argumentazzjoni filosofika. Alla mhuwiex Alla ta’ Aristotile, Descartes jew Kant, imma Alla tal-profeti u l-appostli tiegħu, Alla ta’ Abraham, Alla ta’ Iżakk, u Alla ta’ Ġakobb – Alla li realment u meraviljożament jidħol f’kuntatt magħna. Aktar minn hekk, jintrabat b’patt reali ma’ nies tad-demm u l-laħam bħalna.

Sikwit huwa biss fis-silenzju illi Alla jgħarrafna lilu nnifsu, u jiddikjaralna lil ismu permezz ta’ misterji ineffabbli – fuq kollox, bl-irxoxt ta’ Ibnu Ġesù, fatt storiku li jmur oltre minn kull xjenza u loġika umana. Il-fatt patenti hu, ma nistgħux nikkontienu lil Alla. Għall-kuntrarju, “fih ngħixu u nitħarrku u neżistu” (Atti 17:28). L-eżistenza tagħna tiddependi għalkollox u f’kull waqt fuqu. 

Kemm hu redikolu l-ħsieb, mela, li nfittxu prova tal-eżistenza tiegħu, bħallikieku sempliċi nifs ifittex prova tal-individwu li minnu ħareġ. Flok nilagħbuha t’allat, jaqblilna nsibu postna u nagħtu qima lill-Omnipotenti, “għax minnu u permezz tiegħu u għalih huma l-ħwejjeġ kollha. Lilu l-glorja għal dejjem! Ammen” (Rumani 11:36). 

Għadu t’Alla, impliċitament jew espliċitament, qatt ma kien ħabib veru tal-bnedmin. Mill-banda l-oħra, fidi f’Alla l-imbierek hi l-pedament stabbli għal kull ordni soċjali u kull azzjoni responsabbli fuq l-art.

Talba: “Mulej Alla tagħna, għalik m’hemmx għoli jew fond, m’hemmx jum jew lejl, m’hemmx żgħir jew kbir. Int timla, tgħaqqad u ssostni kollox. Tiggverna bl-għerf u t-tjieba tiegħek, u għaldaqstant imissna nwettqu l-volontà tiegħek bil-għaqal, għax dan hu dmirna. Titlaqniex waħidna; wettaqna bl-Ispirtu tiegħek, li int tajtna bil-mertu ta’ Ibnek Ġesù. Ammen.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh