“Bħalma ħabbni l-Missier, hekk jien ukoll ħabbejtkom. Issa ibqgħu fi mħabbti. Jekk iżżommu l-kmandamenti tiegħi, tibqgħu fi mħabbti, bħalma jien żammejt il-kmandamenti ta’ Missieri u nibqa’ fi mħabbtu. Għidtilkom hekk sabiex il-ferħ tiegħi jkun fikom, u biex il-ferħ tagħkom ikun komplut. Dan hu l-kmandament tiegħi, li tħobbu ’l xulxin bħalma ħabbejtkom jien” (Ġwanni 15:9-12).
L-obbigu tagħna illi nonoraw u nobdu lil Alla jorbotna. Hekk jew hekk aħna nafu l-eżistenza tagħna lilu. Minn mument għall-ieħor iżommna skont il-providenza għarfa u setgħana tiegħu. Frattant l-obbligu jagħfas wisq iżjed fuqna meta nikkonsidraw kif Alla ħabbna bi mħabba superba u inkredibbli: tana lil Ibnu stess biex kull min jafda fih ikun meħlus mill-ħtija tad-dnub, u jingħatalu wirt dejjiemi fis-smewwiet.
Ir-relazzjoni t’Alla ma’ niesu hi iżjed minn dik ta’ Sultan kbir u s-sudditi tiegħu. Hi wkoll relazzjoni bejn Missier u wliedu adottivi. Il-patt irjali tiegħu hu patt ta’ familja. Il-ħniena ħelwa tiegħu hi l-affezzjoni fidila ta’ Missier lejn nies li darba kienu għedewwa tiegħu, iżda issa huma rikonċiljati bid-demm tal-Kalvarju.
L-imħabba tagħmel lill-maħbub persuna nobbli. Ir-rispons tagħna għall-klejm awtorevoli t’Alla mingħandna li nafu kemm Alla jħobbna nħossuh bħala privileġġ. Isir id-dinjità u l-għaxqa tagħna.
Kristu jikkostitwixxi lill-fidili bħala dixxipli, allievi li kontinwament jitgħallmu mingħandu, l-Għalliem suprem. Il-ħajja taħt l-awtorità tiegħu nġarrbuha bħala hena li tarrikkina, mhux miżerja bla gost. Aktar ma nabbandunaw ruħna f’sottomissjoni għalih, aktar ikun profond il-ferħ tagħna.
Talba: “O Sid u Mgħallem tiegħi, jekk niżra’ għall-Ispirtu naħsad il-ħajja eterna, skont kelmtek. Tħallinix, mela, ngħejja jew nittraskura milli nkompli fil-benevolenza u l-benefiċjenza. Ma naffordjax nintelaq. Xprunani kuljum. Dment li għandi l-opportunità, agħtini li nagħmel il-ġid kemm fost il-fraternità u kif ukoll fis-soċjetà. Ammen.”
Comments