Skip to main content

Għajnuna Pronta

“Alla hu l-kenn u l-qawwa tagħna, għajnuna pronta dejjem fid-dwejjaq. Għalhekk ma nibżgħux imqar jekk l-art titriegħed u l-muntanji jiġġarrfu f’nofs il-baħar, u l-ilmijiet tiegħu jgħajtu u jirgħaw, u l-muntanji jitheżżu bit-tqanqil tagħhom. Hemm xmara li n-nixxigħat tagħha jferrħu l-belt t’Alla, l-għamara qaddisa tal-Ogħla. Alla qiegħed f’nofsha; hi ma titħarrikx. Alla jgħinna, mit-tbexbix tal-jum. Il-ġnus triegħdu, is-saltniet iġġarrfu; hu semma’ leħnu u l-art iddewbet. Il-Mulej tal-eżerċti magħna; Alla ta’ Ġakobb hu l-fortizza tagħna” (Salmi 46:1-7).

Għajnuna li mhix preżenti meta għandna bżonnha ma tiswa kważi xejn. L-ankra li titħalla fuq l-art tkun bla fejda għall-baħrin f’nofs il-maltempata. Tabib li ma ssibux meta tinsab marid ma jaġevolak xejn. Fost id-diversi għajnuniet tal-art, ftit huma pronti: ġeneralment iddum biex tiksibhom u tapprofitta minnhom. 

Xi ngħidu, però, dwar Alla tagħna? Hu preżenti kull meta nfittxuh, preżenti meta għandna bżonnu, u preżenti meta nkunu gawdejna s-sokkors tiegħu. “Alla nnifsu qal, ‘Żgurament mhux se nħallik, lanqas qatt mhu se nabbandunak’ – biex hekk aħna nistgħu ngħidu kunfidentement, ‘Is-Sid sokkoratur tiegħi; mhux se nibża’. X’jista’ jagħmilli l- bniedem?’” (Ebrej 13:5-6). 

Hu iżjed minn pront; hu pront dejjem u bla falliment. Iżjed preżenti mill-eqreb ħabib tagħna, għax insibuh fil-gwaj u l-għawġ; iżjed preżenti minna nfusna, għax kultant nintilfu minn sensina, nitħawdu u ma nkunux nafu x’aħna nagħmlu. Hu dejjem preżenti, effettivament preżenti, simpatetikament preżenti, preżenti f’kull sens. Jinsab preżenti bħalissa jekk ninsabu għaddejjin minn staġun imċallas.

Mela ħalli nitgħallmu nistrieħu fih. Hu r-rifuġju tagħna; hu l-qawwa tagħna. Luteru sejjaħlu “s-sur sħiħ li qatt ma jċedi,” u bir-raġun. Ħalli ninġabru madwaru; hu l-għajnuna, ħalli mela mmilu fuqu. Hu għajnuna pronta. “Fi żmien il-għawġ jaħbini fl-għarix tiegħuħa; fil-moħba tal-kenn tiegħu jaħbini, u jqegħidni fuq blata” (Salmi 27:5). Ħa nirpożaw fih issa stess, għax wera lilu nnifsu favur tagħna. “Ejjew, araw l-għemejjel tal-Mulej, xi ħwejjeġ tal-għaġeb għamel fuq l-art” (Salmi 46:8). 

M’għandniex għalfejn nitħassbu għall-mument wieħed, jew nibżgħu għal sekonda waħda. “Il-Mulej tal-eżerċti hu magħna: Alla ta’ Ġakobb hu r-rifuġju tagħna.” Hi t-tema ripetuta u ċċelebrata min-nies devoti tal-antik. “Il-Mulej hu d-dawl u s-salvazzjoni tiegħi; minn min għandi nibża’? Il-Mulej hu l-qawwa ta’ ħajti; minn min għandi nitwerwer?” (Salmi 27:1). Għax m’għandniex nagħmlu l-istess aħna fiż-żmien modern? Ħa ngħidu lil xulxin: “X’kien jiġri minni kieku m’emmintx li nara t-tjieba tal-Mulej fl-art tal-ħajjin? Ittama fil-Mulej; żomm sħiħ, u hu jqawwilek qalbek” (Salmi 27:13-14).

Talba: “Missier etern Alla, int tistedinna biex infittxu lil wiċċek, u allura qalbna twieġeb u tinkuraġġina. Din hi l-kwestwa tagħna: infittxu lil wiċċek. Taħbix wiċċek ’il bogħod minna; la twarrabx bil-herra lill-qaddejja tiegħek. Bħalma kont l-għajnuna tagħna fl-imgħoddi, kun issa t-tarka u t-torri setgħan tagħna. Kun id-difiża kollha tagħna, o Alla tal-eżerċti, f’ġieħ Ibnek Ġesù.” 

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh