“Għax int Alla li fik nistkenn; għaliex warrabtni? Għaliex jien imlibbes l-iswed minħabba l-moħqrija tal-għadu? Ibgħat id-dawl u s-sewwa tiegħek; ħallihom imexxuni; ħa jwassluni fuq l-għolja mqaddsa tiegħek, sal-għerejjex tiegħek. Imbagħad nidħol lejn l-artal ta’ Alla, dak Alla li hu l-ferħ u l-hena tiegħi; iva, fuq iċ-ċetra nroddlok ħajr, o Alla, Alla tiegħi. Għaliex int mifnija, ruħ tiegħi? Għaliex int hekk imħawda fija? Ittama f’Alla, għax jien nibqa’ nfaħħru, hu l-għajnuna tiegħi u Alla tiegħi” (Salmi 43:2-5).
Jaqbillek titgħallem l-għerf minn dit-testimonjanza sabiħa. L-istat tar-ruħ jista’ jvarja, iżda l-pedament tal-imħabba divina jibqa’ bla mittiefes. Il-wegħdi tal-Missier ma jfallux. Il-Kelma tal-verità, il-ħalfa ta’ Jaħwe, huma ingaġġati għall-konsolazzjoni ta’ dawk li ħarbu lejn Ġesù għar-rifuġju (Ebrej 6:18). Tul għomrok tista’ tiltaqa’ ma’ diversi impedimenti, tfixkil minn ġewwa u minn barra; tista’ tkun mormi, distressat u ansjuż.
L-istedina tibqa’ l-istess: ikkonsidra lil Ġesù, il-Feddej irxoxtat tiegħek. Inħeba fih. Togħtorx quddiem il-wegħdi minħabba n-nuqqas ta’ twemmin. Agħmel kif għamel Abraħam, missier il-fidili kollha. Kontra kull tama emmen bit-tama. Tikkonsidrax in-natura korrotta tiegħek, ix-xeħta tagħha għall-ħażen, l-għadwa tagħha kontra l-grazzja, hekk illi titħajjar iċċedi kull tama.
Jekk tabilħaqq tgħallimt l-umiltà, qatt ma ssib raġuni valida għala tarmi l-konfidenza tiegħek f’Ġesù. Bil-mertu tiegħek ħaqqek biss l-Infern. Bis-sewwa ta’ Ġesù hemm prokurata għalik il-Ġenna u l-glorja eterna. Inkuraġġixxi lil ruħek biex tittama biss fih, u hekk tigglorifikah, għall-ġid tiegħek innifsek.
“Inbierek lill-Mulej f’kull żmien; it-tifħir tiegħu jkun dejjem fuq fommi. Ruħi tiftaħar bil-Mulej; il-fqajrin jisimgħu b’dan, u jifirħu” (Salmi 34:1-2).
Talba: “Hu sewwa u xieraq, Missierna, illi ngħollu leħinna għalenija f’kull ħin u nfaħħru lil ismek. Int Alla ma tinbidilx, u allura aħna, ulied Ġakobb, ma ntemmejniex. Int iżżomm il-patt; tiftakar fil-wegħda. U wara li nbatu ftit tistabbilixxi lil uliedek u tqegħidhom fuq sisien sħaħ. Ħalleluja!”
Comments