Skip to main content

Is-Siwi Tas-Sabar

“Minħabba f’hekk, mill-jum li smajna bikom, aħna ma hedejniex nitolbu għalikom u nissupplikaw ’l Alla sabiex timtlew bit-tagħrif tal-volontà tiegħu f’kull għerf u fehma spiritwali, ħalli timxu denjament tas-Sid u togħġbuh f’kull rispett billi tagħmlu l-frott f’kull opra tajba u tikbru fil-konoxxenza t’Alla; imsaħħin b’kull setgħa, skont il-potenza glorjuża tiegħu ħalli tiksbu kull perseveranza u paċenzja, u bil-ferħ tirringrazzjaw lill-Missier, li kkwalifikakom biex tixxerjaw fil-wirt tal-qaddisin fis-saltna tad-dawl” (Kolossin 1:9-12).

Is-sabar hu s-saborra għar-ruħ, illi jżommha milli titgerbeb u tinqaleb fil-maltempati l-kbar; u min jissogra jbaħħar mingħajru ċ-ċattra tiegħu ċertament illum jew għada ssofri nawfraġju u jegħreq, l-ewwel fl-inkwiet u d-duluri ta’ did-dinja, u mbagħad fit-telfien etern. 

Mhuwiex faċli u lanqas ħaġa awtomatika tissaħħaħ fis-sabar. Kalvinu nnifsu ammetta, “M’għandix serriegħa kbira mal-vizzji tiegħi, kbar u numerużi daqskemm huma, aktar milli għandi man-nuqqas ta’ sabar. L-isforzi tiegħi mhumiex assolutament inutli; frattant qatt ma kont kapaċi nikkonkwista dil-bhima feroċi.”

Is-sabar għandu valur inkomparabbli. Inqabblu mal-aktar ħaġa prezzjuża prodotta mill-art – ġojjell. Ippressat mir-ramel u l-blat, jirpoża fil-ħoġor mudlam tal-art. Għalkemm ebda merżuq ta’ dawl ma jasal qribu, kapaċi jleqq bi ġmiel dejjiemi. Id-dija tiegħu jibqa’ mqar matul il-lejl oskur; imma, meta jkun illiberat mill-kalzri mudlam, mgħaqqad mad-deheb, jifforma l-marka distintiva u l-ornament tal-glorja, il-ħatem, ix-xettru u l-kuruna. It-tmiem u l-premju tiegħu hu l-kuruna tal-ħajja. 

Talba: “Mulej, int tgħallimna illi bis-sabar prinċep tfiehmu, u l-kelma t-tajba tkisser l-għadam. Agħmel minna nies illi kapaċi nissaportu fit-tul sabiex inkunu fejjieda għal ħaddieħor. Neħtieġu dan il-frott tal-Ispirtu: mingħajru ma nkunux utli, la fis-servizz tagħna mal-bnedmin u lanqas fil-ministeru u t-tħaddim tad-doni tagħna. Agħtina s-sabar, f’ġieħ Ibnek li ssaporta reati u inġustizzji kontra tiegħu, biex hekk fih għandna Mudell illi nistgħu nsegwu. Ammen.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh