Id-Dixxiplina u l-Benefiċċju Tagħha

“Għad-dixxiplina tissaportu; Alla qed jittratta magħkom bħala ma’ wlied. Għax liema iben hemm li missieru ma jiddixxiplinahx? Jekk intom mingħajr dixxiplina (li tagħha sirtu sħab ilkoll), mela intom tfal illeġittmi u mhux ulied. Barra minn hekk, kellna missirijiet umani bħala korretturi, u rrispettajnihom. Kemm aktar imissna nkunu sottomessi għal Missier l-ispirti, u ngħixu! Għax missirijietna ddixxiplinawna għal żmien qasir skont kif dehrilhom l-aħjar; imma Alla jiddixxiplinana għall-ġid tagħna, ħalli nixxerjaw fis-santità tiegħu. Kull dixxiplina dak il-mument ma tidhirx ħaġa ferrieħa, iżda nikkieta. Madankollu, aktar tard trodd il-frott sielem tal-ġustizzja ’l dawk ittrenjati minnha” (Ebrej 12:7-11).

Il-Puritani għarfu illi eventwalment kull tbatija, jekk nilqgħuha b’atteġġjament tajjeb, ossija bil-fidi u s-sabar, tiżvolġi f’barkiet rikki għal dawk li l-Mulej laqa’ fi ħdanu. Jargumentaw illi r-reċipjenti tal-ħniena huma l-ewwel maħsula bl-afflizzjoni, biex imbagħad jitferra’ fihom l-inbid tal-glorja. Hekk naraw illi t-tbatija mhijiex ta’ preġudizzju għall-qaddisin, iżda kompletament għall-benefiċċju ultimu tagħhom.

Persuna santifikata, bħal qanpiena fiddiena, aktar ma tintlaqat bil-qawwa, tinstema’ aħjar.

Sikwit nitgħallmu aktar mingħand Alla u dwar Alla taħt is-sawt li jidrobna, milli taħt il-ħatar li jfarraġna. Id-dar tiegħu, fejn tiġi amministrata l-korrezzjoni, isservi wkoll bħala skola ta’ struzzjoni. Kien diskors nobbli u żeluż ta’ Injazju meta qal, “Ħa nkun mitħun bi snien il-bestji selvaġġi, ħalli nsir il-qamħ pur t’Alla.” Il-martri ma jieħdu xejn bi kbir, għax jafu li bħalma l-ħżiena jġarrbu ħsara bl-aħjar ħwejjeġ, it-twajba huma vantaġġjati bl-agħar ħwejjeġ.

Alla jagħti l-għotjiet tiegħu biex inħobbuh, u tiswit biex nibżgħu minnu. Iva, sikwit iħallat miżura ta’ feroċità mal-favuri tiegħu. Hekk uliedu ubbidjenti mhux biss ibusu l-id li tagħti, iżda wkoll id-driegħ li jsawwat.

Talba: “Fit-tislita tagħna kontra d-dnub, Missier, għinna biex inżommu sħiħ bla ma nċedu. Tħalliniex nadottaw il-mogħdija tal-inqas reżistenza. Issuġġettana għalik innifsek, sabiex ma nżebilħu qatt it-twiddiba tiegħek meta tindirizzana bħala wlied, u allura bħala privileġġjati illi nirċievu d-dixxiplina paterna tiegħek. F’ġieħ Ibnek nitolbok dan. Ammen.”

Comments

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis...

Il-Mogħdrija

“Imma issa intom imisskom tneħħu dawn il-ħwejjeġ kollha: ir-rabja, l-għadab, il-malizzja, l-ikkalunnjar u diskors oxxen minn ħalqkom. Tigdbux lil xulxin, ladarba nżajtu l-bniedem il-qadim bil-prattiċi ħżiena tiegħu, u lbistu l-ġdid, li qed jiġġedded fit-tagħrif veru skont l-immaġni ta’ min ħalqu - tiġdid fejn m’hemmx distinzjoni bejn Grieg u Lhudi, ċirkonċiżjoni u inċirkonċiżjoni, barbaru, Skita, ilsir jew liberu, iżda Kristu hu kollox u f’kulħadd. Mela, bħala l-magħżulin t’Alla, qaddisin u maħbubin, ilbsu sentimenti ta’ mogħdrija, benevolenza, umiltà, manswetudini u paċenzja” (Kolossin 3:8-12). Il-beninnità hi l-ispirtu ta’ trattament favorevoli, jew il-prattika kostanti u abitwali ta’ azzjonijiet amikevoli u benevolenti. Hemm żewġ prinċipji ewlenin fil-kostituzzjoni umana, li jwettqu serriegħa bla waqfien għall-predominanza: l-egoiżmu u l-benevolenza, jew il-beninnità. L-egoiżmu jikkonċentra s-sentimenti, ix-xewqat u l-azzjonijiet kollha fuq il-promozzjoni tal-benesseri i...

Diskors Bid-Dehen

“La taħsibx kif tagħmel il-ħsara lil għajrek huwa u qiegħed jgħammar bla biża’ miegħek. La tiġġieled ma’ ħadd għalxejn, jekk ma għamillek l-ebda deni. Ħu offiż hu aktar iebes biex jintrebaħ minn belt qawwija, u l-ġlied bejn l-aħwa qisu staneg ta’ kastell. Aħjar tgħammar f’rokna ta’ setaħ milli ma’ mara ġellieda f’dar kbira.” (Proverbji 3:29-30; 18:19; 25:24). Matul l-Assedju l-Kbir fl-1565, il-qawwiet Ottomani tħabtu u ssieltu biex jirbħu lil pajjiżna taħt idejhom. Għalkemm kienu ferm aktar numerużi minna, it-Torok iġġieldu għalxejn għal erba’ xhur sħaħ. Il-bliet Maltin, fortifikati bis-swar u balwardi godlija, kienu virtwalment inespjunabbli. Hekk ukoll hu diffiċli tirbaħ lura l-ħbiberija ta’ ħu offiż. Anzi, dal-proverbju jwissina li hu aktar diffiċli tirbaħ lura lil ħuk milli tegħleb belt qawwija. Ma naħsibx li dan inkiteb biex naqtgħu qalbna milli nfittxu rikonċiljazzjoni f’waqtha. Jekk wieħed jistaqsi, x’inhi r-rikonċiljazzjoni? Hi t-tieni ħbiberija. Dan jibqa’ dmir...

PAUL MIZZI

Search This Blog