F'Għajnejn l-Iblah, Triqtu Tajba

“F’għajnejn l-iblah, triqtu tajba, iżda min jisma’ l-parir għaref. Hemm triq li tidher dritta lil xi ħadd, iżda hemm triqat il-mewt fl-aħħar tagħha. Min jobgħod juri ħaġa b’oħra, u ġewwa fih ibejjet il-qerq. Meta jitkellem bil-ħlewwa la temmnux, għax seba’ saħtiet hemm ġo qalbu. Il-mibegħda tiegħu moħbija taħt il-qerq; ħżunitu tinkixef quddiem il-ġemgħa kollha” (Proverbji 12:15; 14:12; 26:24-26).

Malajr inpoġġu subgħajna fuq l-iżbalji ta’ ħaddieħor, il-karattru diffiċli li għandhom, ilsienhom iweġġa’, l-atteġġjament negattiv, u r-ras stinata tal-oħrajn. B’hekk donna niskużaw irwieħna mill-fallimenti tagħna, ma narawx li l-karattru tagħna wkoll hu skabruż, biex ma ngħidx antipatiku, li aħna wkoll nużaw ilsienna bħal stallett.

Kultant nammettu li niżbaljaw. Imma donnu nħossuna kburin meta nammettu xi żball tagħna, għax hekk nesibixxu l-umiltà kbira tagħna. Il-problemi li jinqalgħu, però huma bażikament ħtija ta’ ħaddieħor. U aħna, msieken, vittmi taċ-ċirkostanzi.

Ħafna jiddistruġġu lilhom infushom mod ieħor. Huma miżżewġa mal-konvinzjonijiet żgangati tagħhom, u jaduraw il-kimeri tal-ispirtu tagħhom. Jgħoddu lilhom infushom mimlija bit-tagħrif, ġustizzja u sodisfazzjon. Jemmnu li x-xemx titla’ għalihom biss, u li l-bqija tad-dinja hi mgħerrqa f’oskurità irreparabbli. Jimmaġinaw li għandhom l-isbaħ kwiekeb bħala kondutturi, u li ħobżhom maħbuż u żejthom fil-kus. Iżda, fl-aħħar tal-karriera tagħhom, jiskopru illi dil-ħajja rreċtata kienet biss ignis fatuus, li wassalhom biss f’xifer il-preċipizju ta’ fjammi eterni.

Forsi int wieħed minn dawk li tqis triqtek tajba f’għajnejk? Taħseb li hu ħaddieħor il-kaġun tal-inkwiet fil-familja, fuq ix-xogħol u ma’ ħutek? Jekk dan hu l-każ, itlob ’l Alla biex jagħtik id-dawl biex tara l-ewwel it-travu li hemm f’għajnek. Qabel ma tagħmel hekk, qajla hemm tama għalik.

Talba: “Eqridli, Missier, il-vizzju ta’ kritika vojta u qerrieda illi sikwit ninqabad fih. Kull meta nħares lejn ħaddieħor, jekk nara t-tajjeb, ħa nfaħħrek; jekk nara l-ħażin, agħtini kuraġġ ngħin u nkun kostruttiv. Fakkarni dejjem illi jekk ħaddieħor jiżbalja, jien niżbalja wkoll. Imxi magħna, Mulej, skont tjubitek; la tħarisx lejn ħtijietna, iżda aktarx lejn il-fidi tagħna f’Ibnek Ġesù. Ammen.”

Comments

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21). Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.” Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

L-Art Hi Tal-Mulej

“L-art tal-Mulej, u kulma fiha; id-dinja, u dawk li jgħammru fiha. Fuq l-ibħra għamel is-sisien tagħha, u fis-sod waqqafha fuq ix-xmajjar. Min jitla’ fuq l-għolja tal-Mulej? Jew min joqgħod fil-post imqaddes tiegħu? Min għandu jdejh indaf u qalbu safja; min ma jagħtix ruħu għall-frugħa, u lanqas jaħlef bil-qerq. Bniedem bħal dan ikollu l-barka tal-Mulej, u l-ħaqq minn Alla tas-salvazzjoni tiegħu” (Salmi 24:1-5). Ir-rivelazzjoni speċjali tikkonvinċini dwar is-saltna universali, u s-saltna ta’ ġustizzja, sliem u ferħ fl-Ispirtu. Ladarba Alla Trinità ħalaq kollox skont ir-rieda tiegħu, mela d-dinja, dak kollu viżibbli u inviżibbli, huwa tiegħu! La oriġinatur, pussessur! Dal-pilastru tal-verità jeħtieġ jibqa’ bla mittiefes, altrimenti r-reliġjon tagħna tisfa materjalista. Il-Mulej huwa Kreatur, mhux għas-sebħ u l-unur ta’ xi razza partikolari, jew imqar għall-bnedmin, imma għalih innifsu, u sekondarjament għall-ġid u l-barka tagħna. Distinzjonijiet u privileġġi pekuljari, nazzj

PAUL MIZZI

Search This Blog