Skip to main content

Maħfra Sovrana

“Hekk jgħid il-Mulej, ‘Ħa ma jiftaħarx l-għaref b’għerfu, ħa ma jiftaħarx il-qawwi bil-qawwa tiegħu, ħa ma jiftaħarx l-għani bl-għana tiegħu. Iżda min jiftaħar ħa jiftaħar b’dan, li għandu d-dehen biex jagħrafni, li jien il-Mulej li nagħmel it-tjieba, il-ġustizzja u s-sewwa fl-art, għax b’dawn il-ħwejjeġ nitgħaxxaq,’ jgħid il-Mulej” (Ġeremija 9:23-24).

Kemm hu xieraq u profitabbli nimmeditaw fuq Missierna. Għaliex Alla jissaportu tant fit-tul, jistenna l-midinbin jerġgħu lura għandu? Sikwit jistenniehom mhux ix-xhur, iżda s-snin, u jissokta jsus warajhom u jwasslilhom Kelmet il-ħajja. Jadotta dil-linja sabiex ikun grazzjuż filli jaħfrilhom, għax f’dan l-att jitgħaxxaq. 

Is-slaten ġie li jaħfru tradituri biex jogħġbu l-ministri tagħhom aktar milli lilhom infushom, altrimenti qatt ma jaġixxu hekk. Iżda l-Mulej jidfen dnubietna fl-ifnad baħar, jixħithom wara dahru, jinsiehom, prinċipalment biex jgħaxxaq u jhenni lill-qalb beninna tiegħu. Għaldaqstant il-missjoni li fuqha ntbagħat Kristu – li mhi xejn ħlief biex jirrikonċilja nies vili u xewwiexa mal-Ħallieq tagħhom – hu msejħa l-pjaċir jew l-għoġba tas-Sid. 

Impossibbli li Alla jirrofta xi midneb povru u penitenti, sempliċement minħabba l-enormità tad-dnubiet kommessi minnu. Bil-fidi nirraġunaw illi ladarba tana lil Kristu, miegħu jagħtina b’xejn il-ħwejjeġ kollha. Meta jwiegħed il-kanċellazzjoni sħiħa tal-kont tad-dejn lill-midinbin miżerabbli, l-iskop tiegħu hu l-eżaltazzjoni ta’ ħnientu. Jagħder u jissokta jagħder. Kieku tmiem ħniena waħda ma tkebbisx ħniena oħra minnufih, ninsabu rrovinati. O kemm hu biljun darba preferibbli jitħassrek Alla milli n-nies jgħiru għalik!

F’kollox tidher is-sapjenza divina, mifruxa tul il-ħolqien fil-varjetà virtwalment illimitabbli tal-ħwejjeġ li sawwar għall-ammirazzjoni tagħna. Iżda għerfu hu esibit speċjalment f’dan: illi dnubiet il-bnedmin imexxu ’l quddiem ħidmietu, imma b’tali mod u manjiera illi ma jċappasx idu bid-dnub. 

Talba: “Tippermetti d-dnub, o Sid sovran, bla ma tapprovah b’xi mod; anzi, eventwalment dejjem u bla eċċezzjoni tikkastigah ġustament. Għandek id fl-azzjoni li fiha hemm id-dnub, imma mhux fid-dnub tal-azzjoni. Hekk aħna nqimuk għax xejn mhu lil hinn mill-kontroll tiegħek. Agħmel illi aħna nfusna, qaddejja tiegħek, dejjem nimxu skont ir-rieda rivelata tiegħek. F’ġieħ Kristu Ibnek. Ammen.”
Labels:

Comments

Post a Comment

Popular posts from this blog

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis...
1 comment
Read more

Lejk Nerfa' Għajnejja

“Lejk nerfa’ għajnejja, o int li tgħammar fis-smewwiet. Ara, bħalma għajnejn il-qaddejja jħarsu lejn id sidhom, u bħalma għajnejn il-qaddejja jħarsu lejn sidtha, hekk għajnejna jħarsu lejn il-Mulej, Alla tagħna, sakemm ikollu ħniena minna. Ħenn għalina, o Mulej, ħenn għalina, għax aħna mxebbgħin għall-aħħar bit-tgħajjir. Ruħna mxebbgħa żżejjed biż-żebliħ ta’ dawk li huma paxxuti, u bit-tgħajjir tal-imkabbrin” (Salmi 123:1-4).  Huwa adatt li aħna nitolbu għar-rilif mill-istmellija. Sakemm għandna n-nifs, huwa preġju u żina għalina li nfittxu ’l Alla għall-għajnuna u gwida. Evidentement das-salm huwa t-tnegħida ta’ wieħed (ma’ fidili sħabu oħrajn) li jinsab fl-arena, f’sitwazzjoni iebsa, imkeskes minn nies ħżiena u mgħobbi bl-istmellija u d-disgust tagħhom.  Imma Alla, li jippermetti d-dwejjaq jinvistana biex sikwit jgħammar magħna, jista’ jneħħih, isostnina taħtu jew jislet il-ġid minnu. Kif jista’ Alla jwarrab talb bħal dan, kif imlissen hawn? Alla kapaċi u difatti ...
Post a Comment
Read more

Il-Mogħdrija

“Imma issa intom imisskom tneħħu dawn il-ħwejjeġ kollha: ir-rabja, l-għadab, il-malizzja, l-ikkalunnjar u diskors oxxen minn ħalqkom. Tigdbux lil xulxin, ladarba nżajtu l-bniedem il-qadim bil-prattiċi ħżiena tiegħu, u lbistu l-ġdid, li qed jiġġedded fit-tagħrif veru skont l-immaġni ta’ min ħalqu - tiġdid fejn m’hemmx distinzjoni bejn Grieg u Lhudi, ċirkonċiżjoni u inċirkonċiżjoni, barbaru, Skita, ilsir jew liberu, iżda Kristu hu kollox u f’kulħadd. Mela, bħala l-magħżulin t’Alla, qaddisin u maħbubin, ilbsu sentimenti ta’ mogħdrija, benevolenza, umiltà, manswetudini u paċenzja” (Kolossin 3:8-12).  Il-beninnità hi l-ispirtu ta’ trattament favorevoli, jew il-prattika kostanti u abitwali ta’ azzjonijiet amikevoli u benevolenti. Hemm żewġ prinċipji ewlenin fil-kostituzzjoni umana, li jwettqu serriegħa bla waqfien għall-predominanza: l-egoiżmu u l-benevolenza, jew il-beninnità. L-egoiżmu jikkonċentra s-sentimenti, ix-xewqat u l-azzjonijiet kollha fuq il-promozzjoni tal-benesseri i...
Post a Comment
Read more