Skip to main content

Ħobbu Lil Xulxin

“Bħalma ħabbni l-Missier, hekk jien ukoll ħabbejtkom. Issa ibqgħu f’imħabbti. Jekk iżżommu l-kmandamenti tiegħi, tibqgħu f’imħabbti, bħalma jien żammejt il-kmandamenti ta’ Missieri u nibqa’ f’imħabbtu. Għidtilkom hekk sabiex il-ferħ tiegħi jkun fikom, u biex il-ferħ tagħkom ikun komplut. Dan hu l-kmandament tiegħi, li tħobbu ’l xulxin bħalma ħabbejtkom jien” (Ġwanni 15:9-12).

Kull min hu diġà ġustifikat – dikjarat ġust minħabba s-sagrifiċċju tal-Kalvarju – qiegħed ukoll ikun santifikat, mifrud mid-dinja għal Alla f’oqsma diversi ta’ ħajtu. Is-santifikazzjoni hi proċess li jtul sakemm nieħdu l-aħħar nifs. 

Issa, tibqa’ fl-ubbidjenza u tibqa’ fl-imħabba ta’ Kristu Ġesù huma fatturi li ċertament huma inseparabbli. Ħajja taħt it-tmexxija ta’ Kristu tagħti prova li l-Mulej jitgħaxxaq bina. Jekk irridu nixxemxu fi mħabbtu, jeħtieġ nosservaw il-kmand ta’ Kristu. Jekk naħbu d-dnub f’qalbna, ma nkunux nistgħu ngħixu fl-imħabba ta’ Kristu. Mingħajr il-qdusija li togħġob lil Alla, ma nistgħux nogħġbu lil Kristu. Min ma jimportahx mill-qdusija ma jafx xi tfisser l-imħabba tas-Salvatur.

Li tgawdi konxjament l-imħabba tal-Mulej hi ħaġa delikata. Hi wisq iżjed sensittiva għad-dnub u l-qdusija milli l-merkurju hu għall-kesħa u s-sħana. Meta nkunu sensittivi fil-qalb, u attenti kif nutilizzaw il-ħsieb, ix-xofftejn u mġibitna biex nonoraw lill-Mulej Ġesù, imbagħad nirċievu indikazzjonijiet bla għadd ta’ mħabbtu. Jagħtina sinjali kontra sinjali li qed ingawdu t-tbissima divina fuq ħajjitna.

Jekk nixtiequ nipperpetwaw it-tali hena, jeħtieġ nimmiljoraw fil-qdusija. Il-qdusija tnissel l-hena vera; it-tnejn ma jistgħux ikunu divorzjati minn xulxin. Veru li min jixtieq jgħix ġustament ibati, iżda jkun kapaċi jithenna mqar fi tbatijietu. 

Il-Mulej Ġesù mhux se jaħbi wiċċu minna sakemm ma naħbux wiċċna minnu aħna. Id-dnub, id-dnub waħdu, jifforma dik is-sħaba li tgħatti x-Xemx tagħna. Jekk inkunu ubbidjenti bil-għaqal u kkonsagrati kompletament, inkunu nafu mill-esperjenza xi ħlewwa fiha x-xirka tagħna miegħu. “Jekk nikklejmjaw illi għandna xirka miegħu u frattant nimxu fid-dlam, nigdbu u m’aħniex nipprattikaw il-verità. Imma jekk nimxu fid-dawl, bħalma hu fid-dawl, għandna xirka ma’ xulxin, u d-demm ta’ Ġesù Ibnu jippurifikana minn kull dnub” (1 Ġwanni 1:6-7). 

Inkunu ċerti fina nfusna li ninsabu fl-imħabba ta’ Ġesù, bħalma Ġesù jinsab fl-imħabba tal-Missier. Hawnhekk għandna wegħda ħelwa b’jekk solenni. Appena u daqskemm inwettqu l-jekk, ingawdu l-komunjoni. Bħal ċavetta, biha niftħu l-kaxxetta tat-teżor.

Talba: “Definittivament, Mulej, doqna u nafu mill-esperjenza illi inti Alla fidil, Salvatur potenti, Missier benovolenti. Allura issa, bħal trabi appena mwielda, oħloq fina xenqa għall-ħalib spiritwali u pur, sabiex bih navvanzaw fit-tgawdija tas-salvazzjoni tagħna u nsiru aktar effettivi fil-ministeru tagħna. Nitolbuk f’isem Kristu. Ammen.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh