“Għax int għamilt il-Mulej, il-kenn tiegħi, l-Ogħla, l-għamara tiegħek, hemm ebda deni ma jiġrilek, lanqas ebda ħsara ma tersaq lejn għamartek. Għax hu jqabbad l-anġli tiegħu jieħdu ħsiebek, biex iħarsuk fi triqatek kollha. Huma jerfgħuk fuq idejhom, li ma taħbatx riġlek ma’ xi ġebla. Int timxi fuq l-iljun u l-lifgħa; ferħ ta’ ljun u serp int tirfes taħt riġlejk. La ħabbni, jien neħilsu; naqbeż għalih, la għaraf ismi. Hu jsejjaħli u jien imwieġbu; inkun miegħu fl-għali. Neħilsu u nerfagħlu ġieħu. B’għomor twil nimlih u nurih is-salvazzjoni tiegħi” (Salmi 91:9-16).
Il-Mulej jgħid dal-kliem dwari? Iva, jekk jien għaraftu. Irrelevanti illi nkiteb qabel twieled Ġesù. “Għax kwalunkwe ħwejjeġ miktubin fl-imgħoddi nkitbu għall-istruzzjoni tagħna, sabiex permezz tal-perseveranza u permezz tal-inkuraġġiment tal-Iskritturi jkollna t-tama” (Rumani 15:4). Mela l-Bibbja kollha hi għalija; biha l-Mulej jindirizzani u jkellimni.
Imbierek il-Mulej! Jien m’inix barrani għalih. Provajtu, nafu u għalhekk nafdah. Naf li ismu jissinifika Alla li jistmell id-dnub. Bil-qawwa konvinċenti tal-Ispirtu tiegħu, mindu ġibidni lejh, kont mgħallem li qatt ma jgħammeż għad-dnub. Ma jaħmlux; ħalef illi jiġġudikah kompletament. Jasal jum meta “jagħti retribuzzjoni ’l dawk li ma jafux ’l Alla u ’l dawk li ma jobdux l-evanġelju ta’ Sidna Ġesù. Dawn iħallsu l-penalità ta’ qirda eterna lil hinn mill-preżenza tas-Sid u mill-glorja ta’ setgħetu” (2 Tessalonkin 1:8-9).
Nafu wkoll bħala Alla li jaħfer. Jordom ħtijieti kollha minħabba s-sagrifiċċju storiku ta’ Ibnu Ġesù. Tabilħaqq ikkanċella dnubieti darba għal dejjem. It-tagħrif tas-salvazzjoni jasal “lill-poplu tiegħu bil-maħfra ta’ dnubiethom, minħabba l-ħniena tenera t’Alla tagħna, li biha se jżurna ż-żerniq mill-għoli, biex jiddi fuq dawk bilqiegħda fid-dlam u dell il-mewt, biex jiggwida saqajna fi triq is-sliem” (Luqa 1:77-79).
Ismu jfisser Alla fidil; dan nafu, għax qatt ma telaqni, anke meta l-għaqqux u l-hemm għafsu fuq spallti. Jgħasses fuqi għall-ġid tiegħi sa tmiem il-pellegrinaġġ. “M’hemmx li Alla tas-sliem innifsu jqaddiskom totalment. Jalla l-ispirtu, ir-ruħ u l-ġisem tagħkom jinżammu irreprensibbli għal miġjet Sidna Ġesù Kristu. Fidil dak li jsejħilkom, li tabilħaqq se jagħmel dan” (1 Tessalonkin 5:23-24).
Dat-tagħrif hu għotja tal-grazzja, u allura l-Mulej jagħti iktar għotjiet b’xejn. Hu jgħid: “Naqbeż għalih, la għaraf ismi.” Din hi grazzja fuq grazzja. Osserva li jekk nixxabtu fil-għoli, il-pożizzjoni tagħna tista’ tkun perikoluża; iżda jekk il-Mulej ipoġġina hemmhekk, ninsabu sikuri. Jista’ jerfagħna biex inkunu utli għalih, u niksbu suċċess fis-servizz, biex inkunu fit-tmexxija fost il-ħaddiema, biex naqdu d-doveri ta’ ġenituri fost l-ulied.
Jekk ma jagħmilx dan, jista’ jerfagħna mod ieħor, billi jagħtina xirka qrib tiegħu, trijonf qaddis, u antiċipazzjoni grazzjuża ta’ glorja eterna. Meta Alla nnifsu jpoġġina fl-għoli, Satana ma jistax iġarrafna.
Talba: “Mulej, int l-oħla fost għaxart elef, il-ġilju tal-widien! Int l-għaxqa ta’ ruħna! Nixxennqu għal esperjenza ta’ xirka miegħek minn ġurnata għall-oħra! Għallimna nammiraw il-providenza għarfa tiegħek lejna, u agħtina li nkunu sottomessi għall-gwida tajba tiegħek. Fuq kollox, kattrilna l-għatx u l-ġuħ għall-għixien ġust qudidemek. Ammen.”
Comments