“Ordna lill-għonja fid-dinja preżenti biex ma jitkabbrux u lanqas jiffissaw tamithom fl-inċertezza tal-għana, iżda f’Alla, li jipprovdielna l-ħwejjeġ kollha bl-irfus għat-tgawdija tagħna. Kmandahom jagħmlu t-tajjeb, ikunu għonja f’opri tajba, ikunu ġenerużi u lesti jixxerjaw, biex hekk jaħżnu teżor għalihom infushom bħala sies sod għall-ġejjieni, sabiex jaqbdu l-ħajja li hi verament ħajja” (1 Timotju 6:17-19).
Diffiċli tkun sinjur u tibqa’ tafda fil-Mulej, daqskemm hu diffiċli għall-benestant illi jidħol fis-saltna. Bil-grazzja t’Alla ż-żewġ sfidi jingħelbu, m’għandix dubju. Kristu javżana, “Hu eħfef li ġemel jgħaddi minn għajn labra milli wieħed għani jidħol f’saltnet Alla” (Mattew 19:24). Is-Salvatur hawnhekk mhux qed jitkellem dwar l-impossibbli, iżda dwar id-diffiċli, u allura r-rarità tal-każ. Ġobb solva l-indovinalja, għax għadda minn għajn il-labra bi tlett elef ġemel u qtajja’ bhejjem oħra. Jibqa’ l-fatt illi hi sfida kumplessa tkun sinjur, bla ma tkun mitruħ spiritwalment. Thomas Watson, il-Puritan, josserva kemm hu diffiċli ġġorr kies mimli bla ma xxerred, u ħxuna materjali bla ma tixxaħxaħ fid-dnub.
Huwa għaqal għalina, allura, illi nkunu nixtiequ mhux l-ikbar par żarbun u l-aħjar ħwejjeġ, imma dawk li jiġuna. L-istess jgħodd għad-dinjità u l-beni tagħna. Il-povertà, m’għandniex xi ngħidu, qatlet elf, iżda l-għana qatlet l-għaxart elef, u ddiżappuntat miljuni. Hi inċerta; twiegħed dak li mhix kompetenti twettaq, u lanqas kapaċi taffordja s-serħan tal-moħħ.
Meta vjaġġatur ikun se jitlaq għal triqtu, ħatar wieħed f’idu jista’ jwieżnu, imma qabda oħtra jservu biss ta’ impediment. Hekk ukoll, miżura adegwata ta’ ħwejjeġ materjali tista’ attwalment tassistina aħna u nterrqu lejn Sijon, filwaqt li l-abbondanza tista’ tfixkilna.
Ironikament, ir-rikkezzi jħajruk tkompli timmoltiplikahom. Fejn se tieqaf? Jagħmluk rgħib. Bħalma r-rimedju biex taqta’ l-għatx ta’ wieħed marid bid-deni ma jinsabx filli tagħtih jixrob aktar, imma preferibbilment teħilsu mid-deni li jkun qed jikkawżalu l-għatx, hekk ukoll il-metodu biex issir sinjur ma jikkonsistix filli tgeddes il-ġid, imma filli tnaqqas ir-rgħiba u d-desiderju inordinat għar-rikkezzi.
Għandna kemm għandna, imlaħalħin bl-irfus jew magħfusin bi skarsezza, dejjem xieraq inkunu ġenerużi. Meta nċedu dak li ma nistgħux inżommuh, biex niksbu dak li ma nistgħux nitilfu, inkunu qed nagħmlu bonakkwist. Ir-rikkezzi ma jistgħu jagħmlulna ebda ġid, jekk ma jgħinuniex fi triqtna lejn il-Ġenna.
Diffiċli tkun sinjur u tibqa’ tafda fil-Mulej, daqskemm hu diffiċli għall-benestant illi jidħol fis-saltna. Bil-grazzja t’Alla ż-żewġ sfidi jingħelbu, m’għandix dubju. Kristu javżana, “Hu eħfef li ġemel jgħaddi minn għajn labra milli wieħed għani jidħol f’saltnet Alla” (Mattew 19:24). Is-Salvatur hawnhekk mhux qed jitkellem dwar l-impossibbli, iżda dwar id-diffiċli, u allura r-rarità tal-każ. Ġobb solva l-indovinalja, għax għadda minn għajn il-labra bi tlett elef ġemel u qtajja’ bhejjem oħra. Jibqa’ l-fatt illi hi sfida kumplessa tkun sinjur, bla ma tkun mitruħ spiritwalment. Thomas Watson, il-Puritan, josserva kemm hu diffiċli ġġorr kies mimli bla ma xxerred, u ħxuna materjali bla ma tixxaħxaħ fid-dnub.
Huwa għaqal għalina, allura, illi nkunu nixtiequ mhux l-ikbar par żarbun u l-aħjar ħwejjeġ, imma dawk li jiġuna. L-istess jgħodd għad-dinjità u l-beni tagħna. Il-povertà, m’għandniex xi ngħidu, qatlet elf, iżda l-għana qatlet l-għaxart elef, u ddiżappuntat miljuni. Hi inċerta; twiegħed dak li mhix kompetenti twettaq, u lanqas kapaċi taffordja s-serħan tal-moħħ.
Meta vjaġġatur ikun se jitlaq għal triqtu, ħatar wieħed f’idu jista’ jwieżnu, imma qabda oħtra jservu biss ta’ impediment. Hekk ukoll, miżura adegwata ta’ ħwejjeġ materjali tista’ attwalment tassistina aħna u nterrqu lejn Sijon, filwaqt li l-abbondanza tista’ tfixkilna.
Ironikament, ir-rikkezzi jħajruk tkompli timmoltiplikahom. Fejn se tieqaf? Jagħmluk rgħib. Bħalma r-rimedju biex taqta’ l-għatx ta’ wieħed marid bid-deni ma jinsabx filli tagħtih jixrob aktar, imma preferibbilment teħilsu mid-deni li jkun qed jikkawżalu l-għatx, hekk ukoll il-metodu biex issir sinjur ma jikkonsistix filli tgeddes il-ġid, imma filli tnaqqas ir-rgħiba u d-desiderju inordinat għar-rikkezzi.
Għandna kemm għandna, imlaħalħin bl-irfus jew magħfusin bi skarsezza, dejjem xieraq inkunu ġenerużi. Meta nċedu dak li ma nistgħux inżommuh, biex niksbu dak li ma nistgħux nitilfu, inkunu qed nagħmlu bonakkwist. Ir-rikkezzi ma jistgħu jagħmlulna ebda ġid, jekk ma jgħinuniex fi triqtna lejn il-Ġenna.
Talba: “Tfajt id-dawl tiegħek f’ruħi, Mulejja. Tħallinix mela nkun kortavista; għinni nadotta perspettiva xierqa lejn il-ġid materjali. Ħa nkun għaqli biżżejjed biex iservini dejjem ta’ għajnuna flok xkiel f’mixjieti miegħek. Fakkarni kull filgħodu illi jien amministratur tal-ħwejjeġ tajba li tajtni, biex ma nabbużax minnhom. Ammen.”
Comments