Skip to main content

Jidrob u Jdewwi

“U jgħidu, ‘Ejjew ħa nerġgħu lura lejn il-Mulej, għax hu qattagħna iżda jfejjaqna. Hu darab u hu jdewwina. Wara jumejn jaħjina; fit-tielet jum iqajjimna, biex aħna ngħixu quddiemu. Għalhekk ħa nagħrfu lill-Mulej, ħa nitħeġġu biex nagħrfuh!’ O Efrajm, x’nagħmillek? O Ġuda, x’nagħmillek? Għax it-tjieba tagħkom bħal sħaba tas-sebħ, u bħan-nida li tgħaddi kmieni” (Ħosegħa 6:1-4). 

Alla, marbut b’patt solenni magħna li jkun Alla tagħna għal dejjem, ma jitlaqx għal dejjem minn magħna. Jista’ jgħaddina mid-dlam, imma hi biss mogħdija, mhux priġunerija permanenti. 

Raġel jista’ kultant joħroġ minn daru, bla ma jitlaq minnha. Innota d-differenza. Jekk wieħed jitlaq bla mhu biħsiebu jirritorna, iġorr l-għamara u ħwejġu kollha. Jerġa’, għalkemm wieħed jista’ jivvjaġġa u fit-tul u ’l bogħod, xorta waħda taf li ġej lura. Għaliex? Tgħidli, “Għax martu, uliedu u ġidu għadhom f’daru.”

Hekk ukoll, jekk Kristu jirrofta segwaċi (nominali) tiegħu, u jitilqu għalkollox, iġorr miegħu ġidu, id-doni spiritwali, il-grazzji u l-prinċipji tal-ħajja. Imma jista’ jkun assenti fit-tul, u frattant ġidu ħallieh fil-qalb – jekk hemm xewqa u xenqa għalih, għaxqa fih u ammirazzjoni lejh. Tikkonkludi, “Ċertament għad jerġa’ jiġi, għax ħalla kollox warajh.” Qatt ma jiġri illi Kristu jabbanduna wieħed minn tiegħu, li għalih miet; u ta’ dan jagħtina evidenza għax imqar waqt żmien ta’ twiddib, iħalli l-għamara spiritwali warajh. 

Meta Alla jitlaq minn magħna temporanjament, bla ma nħossuh bħal qabel, dan iservina bħala dixxiplina. Peress li hu Missierna, jekk jaħbi wiċċu minn uliedu, jaġixxi hekk bl-imħabba. L-abbandun temporanju hu esperjenza nikkieta, purgatorju qasir. Meta x-xemx tirtira wara l-muntanji, u ma narawhiex aktar, imbagħad tinżel in-nida. U meta s-sema jinfoska bis-sħab, tista’ tidher il-qawsalla, kollha għeliem tal-imħabba paternali lejna. 

Imma kif tiswielna t-tali esperjenza qarsa? Kun ċert, l-ewwel nett: Alla jaf kif jittratta magħna, u għerfu ma jitfissirx. Il-lejl u d-dellijiet huma ta’ benefiċċju għall-fjuri, u dawl il-qamar u n-nida huma aħjar minn xemx kontinwa. Hekk l-assenza ta’ Kristu għandha utilità speċjali: tfornina b’virtù u nutriment għal ruħna, tagħti t-tira lill-umiltà, issinn il-ġuħ u l-għatx tagħna għal Alla l-ħaj, tforni qasam sabiħ fejn il-fidi tista’ timraħ, u teżerċita s-swaba’ u l-idejn filli taqbad miegħu bla ma tarah, għax aħna jmissna dejjem nimxu bl-afdar tagħna fih, mhux bil-viżjoni u bis-sentimenti.

Jista’ jwarrab minna għal ftit, u frattant ma jitlaqniex għal dejjem, daqskemm omm ma tarmix lil binha ż-żgħir u tinsieh. Ġieli tippermettilu jaqa’ darba jew darbtejn biex tevitalu milli jaqa’ kontinwament. Hekk Alla jinqeda biż-żelqiet tagħna biex jikkonvinċina kemm għandna xeħta neqirdu lilna nfusna, u hekk jgħallimna nafdawh u mmilu fuqu għall-futur. “Jien drabtu,” jgħid, “u jien se nfejqu.”

Talba: “Indubjament int Missierna, o Alla tas-sema u l-art. Bis-saħħa tal-medjazzjoni ta’ Ibnek nersqu lejk. Int tafna, int il-Feddej tagħna; minn dejjem int għaraftna b’imħabba speċjali. Għaliex, mela, o Mulej, ħallejtna noħorġu minn triqatek, u webbist qalbna biex ma nibżgħux minnek? Erġa’ ejja minħabba l-qaddejja tiegħek. Onfoħ l-Ispirtu tal-ħajja fuqna lkoll; f’isem Ibnek l-għażiż. Ammen.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh