Skip to main content

Kliem il-Ħajja Eterna


“Ftakar f’kelmtek mal-qaddej tiegħek, li biha ttamajtni. Dan hu l-faraġ tiegħi fin-niket tiegħi, għax kelmtek tagħtini l-ħajja. L-imkabbrin daħqu ħafna bija; madankollu jien ma nerġax lura mil-liġi tiegħek. Niftakar fil-ġudizzji tiegħek ta’ dari, o Mulej, u nitfarraġ. Nagħdab għall-aħħar minħabba l-ħżiena li jitilqu l-liġi tiegħek. L-istatuti tiegħek huma l-għana tiegħi fid-dar tal-pellegrinaġġ tiegħi” (Salmi 119:49-54). 

Mhix ħaġa naturali nittamaw f’Kelmet Alla; hi bis-setgħa tiegħu biss illi naslu nagħmlu dan. Hu biss meta l-Ispirtu jikkonvinċina illi ngħajtu, “Mulej, għand min immorru? Int għandek il-kliem tal-ħajja eterna!” Hu biss meta widnejna jinfetħu illi nisimgħu l-istruzzjoni sabiex insejsu darna fuq il-blata, ċoè fuq it-tagħlim ta’ Sidna Ġesù. 

Fejn għandna tagħrif veru ta’ Ġesù, il-Kelma inkarnata, ikollna stima reali għall-Kelma skritturata, il-Bibbja Mqaddsa. L-istess Spirtu li għammar f’Ġesù ddetta l-veritajiet dwaru; u l-istess Spirtu jixhed dwar Ġesù fi qlub id-dixxipli. Bil-Kelma aħna ffavoriti b’ideat ċari, konċetti ġusti u fehmiet inkuraġġanti dwar il-grazzja u s-salvazzjoni. 

Hekk ninbnew fuq is-solidu u l-permanenti. Ingawdu l-isħaħ konfidenza u l-aqwa assigurazzjoni biex navvanzaw fil-fidi tagħna u noktru fit-tama. F’dil-qagħda nkunu kulma jmur ħerqana biex nersqu lejn it-tron t’Alla, li għalina sar tron mnejn nirċievu grazzja kontra grazzja. Hemm insemmgħu l-kawża tagħna, id-dieqa tagħna u r-radd il-ħajr. Hemm ukoll nikklejmjaw bi qlubija umli provvista għall-ħtiġijiet kollha tagħna. 

Meta nitmewtu fis-sentimenti konfortabbli u ferrieħa tagħna, meta kollox madwarna jilbes bixra vistuża, meta l-kuxjenza tikteb ħwejjeġ qarsa kontrina, fit-tali perjodi jkun qisu qawmien ġdid meta niftakru fl-imħabba inkalkolabbli tal-Missier lejna, fil-konkwista trijonfanti ta’ Ibnu għall-fidwa tagħna, u fil-ħidma kontinwa tal-Ispirtu fina sabiex nitħarrġu f’għixien ġust.

Talba: “Tabilħaqq, o Alla Trinità, int ittamajtna b’Kelmtek, u ma tibqax tiddiżappuntana. Int il-fonti ta’ kull barka, fawwara ta’ kull ġid, għajn ta’ kull tajjeb. Agħtina fehma korretta ta’ Kelmtek, ħalli biha nerfgħu ħarsitna ’l fuq, antiċipattivi għal aktar u aktar barkiet mill-id ħanina tiegħek. Ammen.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh