“Tiddejnu xejn ma’ ħadd ħlief li tħobbu ’l xulxin, għax min iħobb lil ħaddieħor wettaq il-liġi. Għax il-kmandamenti, ‘Tikkommettix adulterju,’ ‘Tikkommettix omiċidju,’ ‘Tisraqx,’ ‘Tirgħibx,’ u jekk hemm xi kmandament ieħor, huma ssommati f’dir-regola waħda: ‘Ħobb il-proxxmu tiegħek bħalek innifsek.’ L-imħabba ma tagħmilx deni lill-proxxmu. Mela l-imħabba hi t-twettiq tal-liġi” (Rumani 13:8-10).
Min qed jimmira lejn il-maturità spiritwali ma jfittixx il-ħelsien tiegħu fl-awsteritajiet u qilla lejh innifsu, iżda lanqas ma jħalli l-pendlu jkaxkru fit-tmegħik ta’ pjaċiri bla sens, jew isawwar madwaru sur ta’ abbondanza. Ikun sab il-mogħdija medjana.
Min ma jirrikmandax l-għoti tal-karità? Min ma jfaħħarx il-filantropu? Jew min qatt ma tħeġġeġ għal xi tip ta’ meditazzjoni jew taħriġ reliġjuż? Jew min qatt ma semma’ tnehidu lejn is-sema? Għal dawn kollha jindaqqu l-lawdijiet, iżda akbar minn kollox hi l-imħabba tenera. Għax bħalma dawl il-qamar jarmi dija mitt darba iżjed mid-dawwaliet l-oħra ċelesti, hekk l-imħabba ħanina hija wisq iżjed biex tilliberali qalbi mill-kisbiet kollha l-oħra miġmugħin flimkien. Ħa nibqa’ sod fiha waqt li ninsab imqajjem, bilwieqfa jew miexi, bilqiegħda jew mimdud.
Min iħobb jinħabb, għallinqas minn xi wħud; il-ħbiberija tiegħu hi apprezzata immensament. F’mewtu jistrieħ mit-taħbit u jsib il-milja tal-ferħ. Ma jagħlix u lanqas ikollu xogħfa. Jirċievi l-fjura miftuħa tar-rikumpensa tiegħu u l-frott li jissajjar minnha. Qajla nista’ nifhimha, jekk mhux bil-fidi.
Talba: “Kompli kkonvinċina, Missier, illi meta narmu l-ħobż inrabbu iżjed muskoli godlija; meta nirregalaw l-ilbies, naqilgħu aktar ġmiel; u meta nħallu wirt ta’ għamajjar mimlija safa u verità, niksbu teżorerija mill-aqwa. Kuljum issokta għallimna nikkomportaw irwieħna b’fiduċja fik, f’isem Ibnek Ġesù. Ammen.”
Comments