Skip to main content

Erfgħu Qlubkom 'il Fuq

“Ladarba mela kontu rxoxtati ma’ Kristu, fittxu l-ħwejjeġ ta’ fuq, fejn hu Kristu, bilqiegħda fuq il-leminija t’Alla. Aħsbu dwar il-ħwejjeġ ta’ fuq, mhux il-ħwejjeġ fuq l-art. Għax intom mittu, u ħajjitkom issa hi moħbija ma’ Kristu f’Alla. Meta Kristu, li hu ħajjitkom, hu mmanifestat, imbagħad intom ukoll se tkunu mmanifestati miegħu fil-glorja. Mewtu mela l-membri tagħkom fuq l-art: il-fornikazzjoni, l-impurità, il-passjoni, il-leblieba ħażina u r-regħba, li hi idolatrija. Minħabba t-tali ħwejjeġ ġejja r-rabja t’Alla. Intom ukoll darba kontu timxu fihom, meta għixtu f’dawn il-vizzji” (Kolossin 3:1-7).

Regolarment ġie rrekordjat illi dawk l-Insara li l-iżjed kienu ffissati fuq iż-żmien li ġej kienu wkoll l-aktar effettivi u bieżla f’daż-żmien preżenti. L-appostli, grupp ċkejken ta’ rġiel, ħaduha f’idejhom, skont il-kummissjoni mogħtija lilhom, biex jikkonvertu l-Imperu Ruman lejn Alla l-ħaj minn paganiżmu sfrenat, tant kienu qalbhom merfugħa lejn is-saltna eterna li dwarha kellimhom Sidhom. 

Pawlu sebaqhom: ħadem u sahar, stinka u rsista. Nefaq u ntefaq għall-ġid ta’ ħaddieħor. Tant kien mixrub f’realtajiet spiritwali illi investa lilu nnifsu f’ħaddieħor, sabiex ikun milqugħ minnhom fl-għamajjar eterni. Min hu konvint dwar il-Ġenna jasal biex jintroduċiha hawn fid-dinja, imqar jekk togħma preliminari tagħha. Iħallu l-marka tagħhom fuq l-art proprjament għax moħħhom hu tant okkupat b’realtajiet eterni. Meta l-qalb tkun merfugħa ’l fuq, l-idejn jitbeżżlu u s-saqajn jiġru. 

Mill-banda l-oħra, meta l-knisja tfittex tistabbilixxi lilha nfisha bħala speċi ta’ imperu – kif provat tagħmel fil-Medju Evu, bl-Imperu Ruman Qaddis – tisfa l-inqas effettiva fuq l-art. Tista’ tikber numerikament; spiritwalment tkun magħluba. Il-prinċipju hu sorprendenti, iżda verissmu: immira lejn il-Ġenna u tingħatalek l-art magħha. Immira lejn l-art u la tieħu l-art u lanqas il-Ġenna. 

Tidher regoli stramba, iżda nistgħu nosservawha operattiva f’oqsma oħra. Is-saħħa fiżika hi barka kbira, imma appena tagħmel is-saħħa l-objettiv ewlieni u dirett tiegħek, tibda tiffissa u timmaġina li m’intix b’saħħtek kemm suppost tkun. Ir-regola stabbilita hi din: tkun b’saħħtek biss jekk tkun trid ħwejjeġ oħra – l-ikel u l-ilma, l-arja friska, irqad f’ħinu, ix-xogħol u r-rilassiment, l-indafa. 

Bl-istess mod, ma nistax nimmiljora s-soċjetà jekk is-soċjetà hi l-mira prinċipali tiegħi. Personalment, ma nistax nibda ngħix qabel ma nitgħammed fil-mewt ta’ Ġesù. Xejn inqas u xejn differenti mill-appostlu Pawlu, irrid “inkun naf lil Kristu u s-setgħa tar-resurrezzjoni tiegħu u x-xirka tas-sofferenzi tiegħu, billi nkun ikkonformat ma’ mewtu, sabiex b’xi mod nilħaq ir-resurrezzjoni mill-imwiet” (Filippin 3:10-11).

Talba: “Ma nehdewx milli nkunu msaħħra bil-meravilji ta’ mħabbtek lejna, Missier. Ħalli dik l-istess imħabba timmotiva biex inwieġbu bl-ikbar gratitudni, l-ogħla qima u bl-oħla ubbidjenza, ladarba aħna l-vokati tiegħek. Agħtina li nuru ċ-ċittadinanza vera tagħna, dik smewwitija, aħna u nitħalltu maċ-ċittadini Maltin sħabna. F’ġieħ Kristu Ibnek. Ammen.”

Comments

Popular posts from this blog

Id-Drawwa

“Ġesù rritorna fis-setgħa tal-Ispirtu fil-Galilija, u r-rapport dwaru infirex mal-inħawi kollha. Hu għallem fis-sinagogi tagħhom, imfaħħar minn kulħadd. Mar f’Nażaret, fejn trabba, u skont id-drawwa tiegħu mar fis-sinagoga f’jum is-Sibt. U qam biex jaqra Tnewwillu l-iskroll tal-profeta Isaija. Fetaħ l-iskroll u sab il-post fejn kien hemm miktub: ‘L-Ispirtu tas-Sid fuqi għax unzjonani ħalli nxandar l-evanġelju lill-foqra. Bagħatni nipproklama l-liberazzjoni lill-ikkaptivati, u dawl mill-ġdid lill-għomja, nibgħat illiberati lill-oppressati, nipproklama s-sena favorevoli tas-Sid.’ Imbagħad gerbeb l-iskroll, raddu lill-attendent u ntnasab bilqiegħda. Għajnejn kulħadd fis-sinagoga kienu ssommati fuqu, u beda billi qalilhom, “Illum twettqet din l-Iskrittura li għadkom kemm smajtu’” (Luqa 4:14-21).  Hu sinifikanti ħafna kif hawn jingħad illi Ġesù attenda l-qima fis-sinagoga “skont id-drawwa tiegħu.”  Id-drawwa, imħaddma tajjeb u bil-għaqal, fiha valur imprezzabbli. Issirilna t-tien

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis

Rebbieħa Ma' Kristu

“Madankollu għandi naqra ħwejjeġ kontra tiegħek: għandek hemmhekk nies li jżommu mat-tagħlim ta’ Balgħam, li għallem lil Balak biex jitfa’ ostaklu quddiem ulied Iżrael, ħalli jieklu ikel sagrifikat lill-idoli, u jiffornikaw. Hekk int għandek ukoll lil dawk li bl-istess mod iżommu mat-tagħlim tan-Nikolajtin. Indem mela! Altrimenti se niġi għandek malajr u nikkumbatti kontrihom bix-xabla ta’ fommi. Min għandu widna, ħa jisma’ x’jgħid l-Ispirtu lill-knejjes. Lil min ivinċi nagħtih mill-manna l-moħbija. Nagħtih ukoll ġebla bajda, u fuq il-ġebla isem ġdid miktub li ħadd ma jafu ħlief min jirċeviha” (Rivelazzjoni 2:14-17). Qalb tiegħi, tqanqal biex tippersevera fit-taqbida qaddisa, għax il-premju tar-rebħa hu kbir. Illum nieklu mill-ikel smewwieti li jaqa’ madwar il-kampijiet tagħna, l-ikel li dejjem imantni ’ll-pellegrini fi triqthom lejn il-Kangħan. Iżda hemm merfugħ għalina fi Kristu Ġesù ikel spiritwali wisq ogħla, ikel li għalissa għadu moħbi mill-esperjenza tagħna. Fil-ġarra deh