“Ħa tissokta l-imħabba fraterna. Tinsewx l-ospitalità, għax b’din xi wħud, bla ma ndunaw, ospitaw l-anġli. Ftakru fil-priġunieri, bħallikieku kkalzrati magħhom, u fl-immaltrattati, ladarba intom infuskom ukoll tinsabu fil-ġisem. Iż-żwieġ għandu jkun onorat minn kulħadd, u s-sodda matrimonjali mhix ikkontaminata, għax Alla għad jiġġudika l-fornikaturi u l-adulteri. Ħa tkun il-manjiera ta’ ħajjitkom mingħajr imħabba għall-flus, u kunu kuntenti bil-ħwejjeġ li għandkom, għax Alla nnifsu qal, ‘Żgurament mhu se nħallik, lanqas qatt mhu se nabbandunak’ - biex hekk aħna nistgħu ngħidu kunfidentament, ‘Is-Sid sokkoratur tiegħi; mhux se nibża’. X’jista’ jagħmilli l- bniedem?’” (Ebrej 13:1-6).
Peress li Alla qatt mhu se jitlaqna jew iħallina, nistgħu nkunu kuntenti b’dawk il-ħwejjeġ li għandna. Ladarba l-Mulej hu tagħna, ma nistgħux nitħallew mingħajr ħabib, teżor u dar. Din l-assigurazzjoni taqtagħlna kull rabta mal-bnedmin: ma niddependu fuq ħadd ħliefu. Alla hu l-padrun tagħna; m’għandniex għalfejn immilu quddiem il-bniedem. Il-messaġġ tagħna nistgħu ngħadduh bil-qlubija, u nisfidaw il-kontradizzjoni.
Min jibża’ minn Alla m’għandu ebda biża’ ieħor. Tant imissna ninżlu b’reverenza quddiem Sid il-ħolqien illi t-theddid tal-persekutur l-iżjed ħani u kburi ma jkollu ebda effett fuqna, bħalma t-tisfira tar-riħ ma tiskormentaniex. Il-bniedem illum ma jistax jagħmel wisq kontrina bħalma seta’ jagħmel fi żmien l-appostli. Strumenti ta’ tortura m’għadhomx moda. Il-papiet tneżżgħu mis-setgħa li jaħarqu l-pellegrini. Jekk is-segwaċi tal-għalliema foloz jipprovaw jużaw żebliħ u tmaqdir kiefer kontrina, ma nistagħġbux, għax in-nies ta’ did-dinja ma jistgħux iħobbu n-nisel tas-sema. X’se nagħmlu mela? Ikollna nissaportu t-tgħajjir u l-kritika. B’daqshekk mhux se jkissrulna għadamna.
Talba: “Għinna int, Mulej, Alla tagħna. Lejk nerfgħu ħarsitna u fik immantnu tamitna. F’ismek agħtina li nuru qlubija u konfidenza. L-għadu hu wegħri, iżda int infinitament isħaħ minn kull oppożizzjoni. Meta l-infidili jinkorlaw u jobżqu r-ragħwa kontrina, żommna fis-sod, bla ma nitriegħu u bla ma nibżgħu.”
Comments