Skip to main content

Żakkew u Int

“Ġesù daħal Ġeriko u kien għaddej minnha. Kien hemm raġel jismu Żakkew; dan kien dazjarju ewlieni u kien għani. Prova jara min hu Ġesù, imma ma setax minħabba l-folla, għax kien żgħir fl-istatura. Għalhekk ġera qabilhom ’il quddiem u tela’ fuq sikamoru sabiex jarah, għax kien dalwaqt se jgħaddi minn dik it-triq. Appena wasal fil-post, Ġesù ħares ’il fuq. ‘Żakkew,’ qallu, ‘għaġġel inżel minn hemm, għax illum jeħtieġli noqgħod f’darek.’ Għalhekk dak għaġġel u niżel, u laqgħu għandu ferrieħi. Xħin in-nies raw hekk, ilkoll bdew ibarqmu, ‘Daħal bħala mistieden għand raġel midneb.’ Imma Żakkew waqaf fuq qaddu u qal lis-Sid, ‘Ara, ja Sid! Nofs il-possedimenti tiegħi nagħtihom lill-foqra, u jekk għallatt lil xi ħadd minn xi ħaġa, inrodd l-ammont erba’ darbiet.’ Ġesù qallu, ‘Illum ġiet is-salvazzjoni lil did-dar, għax dan ukoll hu bin Abraħam. Għax Bin il-Bniedem ġie jfittex u jsalva x’intilef’” (Luqa 19:1-10).

Għalkemm konverżjoni fit-tard rari tkun ġenwina, konverżjoni ġenwina qatt mhi tard wisq. Il-ġenwinità tagħha tingħaraf għax timmaterjalizza f’azzjonijiet żgħar kif ukoll fi kbar, mhux biss fuq medda qasira, imma tul it-triq kollha. 

Ħafna nies, meta jkunu introdotti fis-saltna tas-smewwiet, jikkommettu żball bażiku, għax jaħsbu li l-battalja spiċċat, l-għadu kkapitula, u allura għandhom vittorja sħiħa. Imma wara li jimxu ma’ Kristu għal ftit xhur, jibdew jirrealizzaw illi wieħed konvertit iżjed jixbah pajżan maqbud bil-lieva. Meta wieħed jirreġistra bħala suldat, hemm battalja fil-qrib u ħafna oħrajn fil-futur.

Żakkew seta’ jirrakkonta l-istorja tiegħu kif ikkonverta. U xi storja dik! Imma ħadd ma jippretendi illi kif ikkonverta hu jkolli nikkonverti jien ukoll; jew illi int bilfors tgħaddi mill-istess esperjenza ta’ konverżjoni bħali. Id-diversità li jinqeda biha l-Ispirtu s-Santu biex idawwarna lejn Kristu, iċ-ċirkostanzi diversi u l-mezzi użati, huma impressjonanti. Jaqbel inpenġi s-saltna t’Alla bħala belt b’elf kanċell; l-ebda żewġ individwi ma jidħlu eżattament mill-istess angolu. Imma l-jedd biex jidħlu hu maqlugħ għalihom mill-istess Salvatur wieħed: Ġesù Kristu.

Talba: “Meta kont qed naħrab minnek, Mulej, int fittixtni u waqqaftni milli nkompli fil-korsa tar-rovina. Meta kont indifferenti minnek, innamrajt ma’ ruħi u wrejtni l-għaxqiet ta’ xirka hienja miegħek. Li kieku kien għalija, kont nibqa’ fl-idolatrija, fl-immoralità, fil-vizzju, u fl-apostasija; int wassaltni biex nagħżel il-ħajja, u ngħix. Grazzi tal-intervent ħanin tiegħek, o Sid glorjuż!”
Labels:

Comments

Post a Comment

Popular posts from this blog

Qawwija fid-Dgħufija

“U mqar jekk l-evanġelju tagħna hu mgħotti, hu mgħotti biss għal dawk li qed jintilfu. Fil-każ tagħhom l-alla ta’ daż-żmien għema mħuħ il-miskredenti, sabiex ma jiddix fuqhom it-tidwil tal-evanġelju tal-glorja ta’ Kristu, li hu l-immaġni t’Alla. Għax mhux lilna nfusna nippritkaw, iżda ’l Kristu Ġesù bħala s-Sid, u aħna nfusna l-qaddejja tagħkom minħabba Ġesù. Għax Alla, li qal, ‘Ħa jiddi d-dawl mid-dlam,’ huwa dak li idda fi qlubna għat-tidwil tat-tagħrif tal-glorja t’Alla f’wiċċ Kristu. Imma għandna dat-teżor f’reċipjenti xaqqufin sabiex jintwera li din l-eċċessività tas-setgħa tappartieni għal Alla u mhijiex minna nfusna” (2 Korintin 4:3-7). Hemm kontinwità fil-fidi: ninsabu f’suċċessjoni ta’ demm martri. Ħa ngħaddu t-torċa minn id għall-oħra, minn ġenerazzjoni għall-oħra. Apparti l-fidili fil-knisja stabbilita, insibu n-Novatjani, id-Donatisti, il-Valdiżi (seklu 12), l-Albiġiżi (seklu 13), il-Lollardi (wara Wiklef fis-seklu erbatax), l-Aħwa Boħemjani (seklu 15), u l-Anabattis...
1 comment
Read more

Il-Mogħdrija

“Imma issa intom imisskom tneħħu dawn il-ħwejjeġ kollha: ir-rabja, l-għadab, il-malizzja, l-ikkalunnjar u diskors oxxen minn ħalqkom. Tigdbux lil xulxin, ladarba nżajtu l-bniedem il-qadim bil-prattiċi ħżiena tiegħu, u lbistu l-ġdid, li qed jiġġedded fit-tagħrif veru skont l-immaġni ta’ min ħalqu - tiġdid fejn m’hemmx distinzjoni bejn Grieg u Lhudi, ċirkonċiżjoni u inċirkonċiżjoni, barbaru, Skita, ilsir jew liberu, iżda Kristu hu kollox u f’kulħadd. Mela, bħala l-magħżulin t’Alla, qaddisin u maħbubin, ilbsu sentimenti ta’ mogħdrija, benevolenza, umiltà, manswetudini u paċenzja” (Kolossin 3:8-12).  Il-beninnità hi l-ispirtu ta’ trattament favorevoli, jew il-prattika kostanti u abitwali ta’ azzjonijiet amikevoli u benevolenti. Hemm żewġ prinċipji ewlenin fil-kostituzzjoni umana, li jwettqu serriegħa bla waqfien għall-predominanza: l-egoiżmu u l-benevolenza, jew il-beninnità. L-egoiżmu jikkonċentra s-sentimenti, ix-xewqat u l-azzjonijiet kollha fuq il-promozzjoni tal-benesseri i...
Post a Comment
Read more

Diskors Bid-Dehen

“La taħsibx kif tagħmel il-ħsara lil għajrek huwa u qiegħed jgħammar bla biża’ miegħek. La tiġġieled ma’ ħadd għalxejn, jekk ma għamillek l-ebda deni. Ħu offiż hu aktar iebes biex jintrebaħ minn belt qawwija, u l-ġlied bejn l-aħwa qisu staneg ta’ kastell. Aħjar tgħammar f’rokna ta’ setaħ milli ma’ mara ġellieda f’dar kbira.” (Proverbji 3:29-30; 18:19; 25:24).  Matul l-Assedju l-Kbir fl-1565, il-qawwiet Ottomani tħabtu u ssieltu biex jirbħu lil pajjiżna taħt idejhom. Għalkemm kienu ferm aktar numerużi minna, it-Torok iġġieldu għalxejn għal erba’ xhur sħaħ. Il-bliet Maltin, fortifikati bis-swar u balwardi godlija, kienu virtwalment inespjunabbli. Hekk ukoll hu diffiċli tirbaħ lura l-ħbiberija ta’ ħu offiż. Anzi, dal-proverbju jwissina li hu aktar diffiċli tirbaħ lura lil ħuk milli tegħleb belt qawwija. Ma naħsibx li dan inkiteb biex naqtgħu qalbna milli nfittxu rikonċiljazzjoni f’waqtha. Jekk wieħed jistaqsi, x’inhi r-rikonċiljazzjoni? Hi t-tieni ħbiberija. Dan jibqa’ dmir...
1 comment
Read more